ఇంటింటి రామాయణం Nov 17th, 2025 సోమవారం ఎపిసోడ్: చక్రధర్ కి వార్నింగ్ ఇచ్చిన అవని … !!! కొత్త కారు కోసం అత్త మామలని అవమానించిన శ్రేయ … !!!
ఎపిసోడ్ ఆరంభంలో అవని, చక్రధర్‌కి ఆ రోజు తాను చేసిన ఫోన్‌ కాల్‌ని గుర్తు చేస్తుంది. ఆ కాల్ సమయంలో అవని “ఎవడో వచ్చి మా అమ్మనే తన భార్య అని అంటూ అందరినీ నమ్మించడానికి ప్రయత్నిస్తున్నాడు. మీరు వెంటనే రాకపోతే, ఈ గొడవ అంతా మీ ఇంటి వరకూ వస్తుంది,” అని చెప్పిందని చక్రధర్‌కు గుర్తు చేస్తుంది.
ఇప్పుడు అవని, చక్రధర్‌ను నేరుగా చూస్తూ “భయపడను అన్నావ్ కదా, ఇపుడు నీలో భయం ఉందని నువ్వే రుజువు చేసుకున్నావ్. ఒక కాల్‌కి పరుగెత్తుకుంటూ వచ్చావ్. ధైర్యం నాది భయం నీది ఇది గుర్తుంచుకో,” అని స్పష్టంగా చెబుతుంది. ఇంకా “నీ కూతురు ఏ డ్రామా ఆడినా అది నువ్వే హ్యాండిల్ చేయాలి. ఇప్పటినుంచి వచ్చే సమస్యలన్నీ నీదే బాధ్యత. చెప్పిన టైమ్‌కి, చెప్పిన ప్లేస్‌కి రావడానికి సిద్ధంగా ఉండు,” అని హెచ్చరించి వెళ్లిపోతుంది.
అవని మాటలు విని చక్రధర్ ఏదో చేసి ఈ పరిస్థితి నుంచి బయటపడాలని ఆలోచిస్తాడు. కారు తీసుకుని ముందుకు వెళ్తుంటే, ఎదురు నుంచి పల్లవి వచ్చి అడ్డుకుంటుంది. పల్లవి కోపంగా “మీరు ఇక్కడికి ఎందుకు వచ్చారు? మీనాక్షిని పంపించేయండి అన్నది మీరే కదా? నేను పెద్ద ప్లాన్ వేసాను. మధ్యలోకి వచ్చి పాడు చేసేశారు. నన్ను అవమానిస్తూ మీనాక్షిని ఎందుకు కాపాడారు?” అని ప్రశ్నిస్తుంది.
చక్రధర్ సమాధానం ఇవ్వడానికి ఇబ్బంది పడుతూ “నీ కాపురం కూలిపోకూడదని. అందుకే అలా చేశాను,” అని అంటాడు. దాంతో పల్లవి వెంటనే “అబద్దాలు వద్దు. నిజంగానే నా మంచికోసమే అయితే కమల్‌ని వదిలి రమ్మని ఎందుకు చెప్పారు? ఇన్నాళ్ళు అవనిని శత్రువులా చూసిన మీరు ఇప్పుడు ఆమెకి పరోక్షంగా సహాయం చేస్తున్నారు. మీ ఇద్దరి మధ్య ఏం జరుగుతోంది? అవనితో మీకు ఏదైనా లింకు ఉంటే నేను మిమ్మల్ని వదిలిపెట్టే ప్రసక్తే లేదు” అని మండిపడుతుంది.
చక్రధర్ మాత్రం “అలాంటిదేం లేదు. నేను చేసినది నీ కోసమే” అని చెప్పి అక్కడి నుంచి వెళ్లిపోతాడు.
అతను వెళ్ళాక పల్లవి ఆలోచిస్తూ “డాడ్ నిజంగానే నా మంచి కోసమే చేస్తున్నాడా? లేక నా దగ్గర నటిస్తున్నాడా? మీనాక్షి విషయంలో డాడ్ బిహేవియర్ చాలా మారింది. నిజం ఏంటో బయటకు తీయాలి” అని అనుకుంటుంది. చక్రధర్ కూడా మరో వైపు “నా కూతుళ్లే నాకు శత్రువులైపోయారు. ఎవరికీ ఏం చెప్పాలో తెలియని పరిస్థితి” అని మనసులో అనుకుంటాడు.
అంతలో భానుమతిని జనం తరుముతూ ఉండగా తప్పించుకుని ఇంటికి వచ్చి దాక్కుంటుంది. అనాది చూసిన కమల్ ఏమైంది అని అడగగా జరిగింది చెప్తూ తాను ఎలా కమల్ మాటలు నమ్మి తాను చెప్పిన మాట్లాడితే పని చేసే బల్బులను మార్కెట్ లో అమ్మింది, అవి పని చేయలేదు అని జనాలు వచ్చి తిరగబడి మోసం చేసావు అంటూ తన వెంట పడింది వివరిస్తుంది. దానికి కమల్ మాట్లాడితే బల్బులు నేను ఎపుడు చెప్పను అని అడుగుతాడు. భానుమతి కమల్ ని తిడుతుంది. అపుడు కమల్ తప్పించుకోవడానికి తాత నాతో అలా చెప్పించి ఉంటాడు నీతో కొద నన్ను కొట్టించాడు కదా అని కవర్ చేస్తాడు. మీ తాత సంగతి చెప్తా అంటూ భానుమతి లోపలికి వెళ్తుంది.
ఈ సమయంలో శ్రీకర్ తన కొత్త కారు తీసుకుని ఇంటికి వస్తాడు. అక్షయ్, కమల్, అవని అందరూ “కంగ్రాట్స్” చెబుతారు. శ్రీకర్ “అమ్మా, నాన్నా కొత్త కారు కాబట్టి మీరే ముందుగా ఎక్కండి. గుడికి వెళ్లి పూజ చేద్దాం” అని అంటాడు. వారు కారులో ఎక్కబోతుండగా శ్రియ అడ్డుకట్ట వేస్తూ “ఆగండి. ముందుగా నేను ఈ కారులో కూర్చుంటాను. నేను ముచ్చటపడి కొన్న కారు ఇది. తల్లిదండ్రులు తరువాత ఎక్కితే నష్టం ఏముంది?” అని అంటుంది.
శ్రీకర్ ఆశ్చర్యపడి ఆమెను ఆపుతాడు కానీ శ్రియ డైరెక్ట్‌గా “మామయ్యగారు జీవితంలో ఎన్నో కార్లలో తిరిగారు. వాళ్లు ముందు కూర్చోకపోతే ఏమీ కాదు. ఈ కారు జాయింట్ ఫ్యామిలీ కారు కాదు. నా కారు,” అని అంటుంది.
అవని మృదువుగా “మామయ్య, అత్తయ్య పెద్దవాళ్లు. ముందుగా వాళ్లు కూర్చోవడం మర్యాద” అని చెప్తుంది. శ్రియ వెంటనే తిరిగి “నువ్వు చెప్పేది నాకు తెలుసు. నేను కోరుకున్నట్టుగా ముందుగా నేను ఎక్కకపోతే, ఇక ఎప్పుడూ ఈ కారులో ఎక్కను” అని అంటుంది. దాంతో రాజేంద్ర శాంతంగా “పర్లేదు, శ్రీయ ముచ్చటపడింది కదా శ్రీకర్, తీసుకెళ్లి పూజ చేయి” అని చెబుతాడు. కమల్ పక్కనే సెటైర్ వేస్తూ “వెళ్లండ్రా అన్నయ్యా. పర్సనల్ కారు కదా” అని అంటాడు.
శ్రీకర్, శ్రియ ఇద్దరూ వెళ్లిపోతారు.
వాళ్లు వెళ్లిన తర్వాత అక్షయ్ అమ్మానాన్నలకి “మీకు నేను ఉన్నాను. పెద్ద ఇల్లు, పెద్ద కారు నేను కొంటాను” అని నమ్మకం ఇస్తాడు. తరువాత అక్షయ్ ఆఫీస్‌కి బయలుదేరుతాడు. మధ్యలో వాళ్ల ఇంటిని లాక్కున్న వ్యక్తి అతనికి ఎదురుపడతాడు. ఆ వ్యక్తి చేతిలోనే అసలు నిజం తెలిసిపోతుంది.
మరుసటి రోజు ఎపిసోడ్ ప్రోమోలో అతను చెప్పిన సంగతులన్నీ విని అక్షయ్ కోపంతో ఊగిపోతాడు. వెంటనే చక్రధర్ దగ్గరకు వెళ్లి అతని కాలర్ పట్టుకుని, “మా ఇల్లు పోవడానికి కారణం నువ్వే!” అని తాట తీస్తాడు. తరువాత నేరుగా ఇంటికి వచ్చి అందరితో “మనం ఇంటిని పోగొట్టుకోవడానికి కారణం ఎవరో కాదు పల్లవి తండ్రి చక్రధర్!” అని చెప్తాడు.
ఇక్కడే ఎపిసోడ్ ముగుస్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation.
