ఇంటింటి రామాయణం Nov 19th, 2025 బుధవారం ఎపిసోడ్: అవనికి అక్షయ్ సర్ప్రైజ్ గిఫ్ట్ … !!! చక్రధర్ మీద కోపంతో రాజేంద్ర ప్రసాద్ ఇంకా కుటుంబ సభ్యులు … !!!
ఎపిసోడ్ ప్రారంభంలో అక్షయ్ తన సంపాదనతో అవనికి ఒక ప్రత్యేకమైన బహుమతిని తీసుకు వచ్చాను అని చెప్తాడు. “కళ్లుమూసుకో” అని చెప్పి చేతిలో తాళిబొట్టు పెడతాడు. కళ్ళు తెరవగానే అవని ఆశ్చర్యపోతుంది. అక్షయ్ “నీ మెడలో నేను కట్టిన మంగళసూత్రంఅనుకోకుండా పోయింది. భార్యలు దాన్ని ఎంత పవిత్రంగా చూసుకుంటారో నాకు తెలుసు. అందుకే ఇది తెచ్చాను. వేసుకో” అని అంటాడు. అవని భావోద్వేగానికి గురై “మంచి రోజు చూసి మీ చేత్తోనే వేయించుకుంటాను” అని మృదువుగా చెప్తుంది.
ఇదే సమయంలో ఇంట్లో మరో వైపు రాజేంద్ర చక్రధర్ చేసిన మోసం మర్చిపోలేక కోపంతో రెచ్చిపోతూ ఉంటాడు. “ఇప్పుడే వెళ్లి ఆ చక్రధర్ అంతు చూస్తాను!” అని బయల్దేరుతాడు. అక్షయ్ ఆపుతూ “ఆగండి నాన్న మన దగ్గర ఆధారాలు లేవు. ఇపుడు ఏం జరిగినా మనమే దోషులు అవుతాము” అని చెబుతాడు.
కాని రాజేంద్ర ఆగడు. కమల్ కూడా “ఫైనాన్షియర్‌ని కొట్టినట్టే చక్రధర్ మామయ్యని కూడా కొడితే నిజం చెప్తాడు!” అని అంటాడు. ఇదంతా వింటున్న అవని ముందుకొచ్చి కమల్ తో “అన్నింటికి కోపం పనికిరాదు. మనం ఉన్న పరిస్థితిలో ప్రతిదీ ఆలోచించి చేయాలి” అని రాజేంద్ర వైపు తిరిగి “మామయ్య… మీరు లోపలికి వెళ్లండి. మేం చూసుకుంటాం. ఆధారాలు సంపాదిస్తాము” అని అంటుంది. అవని మాటలు విని రాజేంద్ర శాంతించడంతో రాజేంద్ర, పార్వతిలు లోపలి వెళ్తారు.
రాజేంద్ర లోపలికి వెళ్లిపోయాక కమల్ పల్లవిని నేరుగా చూస్తూ “మీ నాన్నే చేసాడని నాకు తెలుసు. ఆధారాలు లేవు కాబట్టి అతను బతికిపోయాడు. లేదంటే గేటుకి కట్టి తోలు వలిచేసేవాడిని! ఈ మోసంలో నీ ప్రమేయం ఉంటే నిన్ను దేవుడు కూడా రక్షించలేడు!” అని హెచ్చరిస్తాడు.
అంతలో గదిలో ఉన్న భానుమతి, తన కూతురు రాజేశ్వరికీ ఫోన్ చేసి ఇంట్లో పరిస్థితి ఎలా ఉందో చెప్తుంది. “ఇంటిని లాక్కున్నది మీ ఆయనే అని తెలిసినప్పటి నుంచి అసలు ప్రశాంతత లేదు. మీ ఆయన ఇలాంటిది చేశాడా అని నమ్మలేకపోతున్నా” అని కన్నీటి స్వరంతో చెబుతుంది.
రాజేశ్వరి కూడా అయోమయంగా “అక్షయ్ నా భర్తతో గొడవపడినప్పటి నుంచి నాకు కూడా అలానే ఉంది అమ్మ. నా భర్త తప్పు చేశాడో లేదో తెలియక ఎవరి పక్కన మాట్లాడాలో అర్ధం కాకుండా ఉన్నాను” అని బాధపడుతుంది. భానుమతి “నీ భర్త ఏ తప్పూ చేయకపోతే వాడు నీ భర్త పేరు ఎందుకు చెప్తాడు? నిజం బయట పడేవరకు నా కొడుకు, కోడలు, మనవళ్లు ఊరుకోరు. చేసింది మీ ఆయనే అని తెలిస్తే నీ కాపురం ఏమౌతుందోనని భయంగా ఉంది” అని బాధపడుతుంది.
రాజేశ్వరి “నా గురించి భయపడొద్దమ్మా నిజం ఎప్పటికైనా బయటపడాల్సిందే. ఎం అవుతుందో చూద్దాం” అని భానుమతిని ఓదారుస్తుంది. ఈ మాటలన్నీ చాటుగా విన్న పల్లవి టెన్షన్ రెట్టింపు అవుతుంది.
తెల్లవారగానే అక్షయ్, అవనిని తీసుకుని ఫైనాన్షియర్ ఇంటికి వెళతారు. కానీ తలుపుకు తాళం వేసి ఉంటుంది. దగ్గర్లో ఒక అమ్మాయి “ఏమైందో తెలీదు. నిన్న సాయంత్రం వచ్చారు కానీ రాత్రికి రాత్రే ఇల్లు ఖాళీ చేసి వెళ్లిపోయారు” అని చెప్తుంది. అక్షయ్ “వాడిని అపుడే పెట్టుకోకుండా వదిలేసి తప్పు చేశాను” అని బాధ పడతాడు. అక్షయ్ అవనితో “నీ దగ్గర వాడి వుహాన్ నెంబర్ ఉంది కదా కాల్ చెయ్” అని చెప్తాడు.
అవని “నా నెంబర్ చేస్తే లిఫ్ట్ చేయడు. మీ ఫోన్ నుంచి కాల్ చేయండి” అని అక్షయ్ కి ఫైనాన్షియర్ నెంబర్ ఇస్తుంది. అక్షయ్ కాల్ చేస్తాడు. కానీ “స్విచ్ఛాఫ్” అని వస్తుంది. అక్షయ్ “అయితే నెంబర్ కూడా మార్చేసి ఉండాలి చిక్కిన చోటే తప్పించుకున్నాడు” అని అంటాడు.
ఇక ఇంటి బయట ఆరాధ్య పిల్లలతో ఆడుతూ ఉండగా బాల్ బురదలో పడి ఆ బాల్ తిరిగి కారు మీద పడటంతో కార్ కి బురద అంటుతోంది. శ్రియ పిల్లల్ని తిట్టి పంపిస్తుంది. ఆరాధ్యను కూడా అవమానిస్తూ “బుద్ధి లేదా? మీ అమ్మ తయారు చేస్తుందా నిన్ను ఇలా? ఆ రోజు పల్లవి డ్రెస్ పై కాఫీ పోశావ్, ఇప్పుడు కారు పాడుచేశావ్. నా దగ్గర ఇలాంటి వేషాలు వేస్తె ఊరుకోను” అంటూ ఆరాధ్య మీద కొట్టడానికి చెయ్యి ఎత్తుతుంది.
అపుడే అటుగా వచ్చిన అత్తమామలు శ్రియని ఆపుతారు. శ్రీయని మందలిస్తూ “చిన్నపిల్ల ఏదో తెలియక చేస్తే కొడుతున్నావా?” అని అంటారు. శ్రియ మొండిగా “పిల్ల అయితే పాపం ఏంటి? బురద వేసింది. ఇలానే వదిలేస్తే ఎలా తయారవుతుందో అందుకే బుద్ధి చెప్తున్నా” అని అంటూ ఆరాధ్యని కార్ క్లీన్ చేయమని చెప్తుంది. అది విని పార్వతి, రాజేంద్ర ప్రసాద్ లకి కోపం వస్తుంది.
పార్వతి కోపంగా “నీకు అసలు బుద్ధి ఉండ? చిన్నపిల్లతో కారుని శుభ్రం చేయిస్తావా?” అని అడుగుతుంది. శ్రియ పొగరుగా “మీకు బుద్ధి ఉందంటే మీరే శుభ్రం చేయండి!” అని అంటుంది. ఇక చేసేది లేక పార్వతి, రాజేంద్ర కారు శుభ్రం చేయడం మొదలెడతారు. అప్పుడే శ్రీకర్ వచ్చి అది చూసి షాక్ అవుతాడు. “నాన్నా అమ్మా మీరు ఎందుకు కారు తుడుస్తున్నారు?” అని అడుగుతాడు. వాళ్ళు జరిగింది చెప్తారు.
శ్రీకర్ శ్రీయతో “బుద్ధి లేకుండా మా అమ్మ నాన్న తో ఇలాంటి పని చేపిస్తావా?” అని అడుగుతాడు. శ్రియ పెద్దగా అరుస్తూ “ఇంట్లో కూరగాయలు పాడు అయితేనే మీ అమ్మగారు అరుస్తారు. మరి లక్షలు పెట్టి కొన్న కారును పాడు చేస్తే నేను ఊరుకోవాలా?” అని గొడవ మొదలుపెడుతుంది. అత్తమామల మనసు నొచ్చి “మీరు ఇద్దరూ గొడవపడొద్దు. ఇప్పటికే ఆలస్యం అయింది, వెళ్ళండి” అంటారు. శ్రీకర్ సిగ్గుతో వాళ్ళకి సారీ చెప్పి అక్కడ నుండి వెళ్ళిపోతాడు.
పార్వతి, రాజేంద్ర ఆరాధ్యకి “ఈ విషయం అక్షయ్, అవనికి చెప్పొద్దు. పెద్ద సమస్య అవుతుంది” అని చెప్తారు. ఆరాధ్య సరే అంటుంది.
మరోవైపు పల్లవి తన తండ్రిని కలుస్తుంది. పల్లవి చక్రధర్ తో ” ఇంట్లో అందరు మీ మీద చాలా కోపంగా ఉన్నారు డాడ్. మామయ్య కూడా నీ అంతు చూస్తాను అంటూ రాత్రి బయల్దేరారు. కానీ ఇంట్లో వాళ్ళు ఆపారు. కమల్ కూడా నీ మీద కోపంగా ఉన్నాడు నిజం తెలిస్తే నిన్ను ఇంకా నన్ను బ్రతకనివ్వడు. ఇప్పుడు ఏమి జరుగుతుందో అని నేను టెన్షన్‌గా ఉన్నాను, డాడ్” అని అంటుంది. చక్రధర్ అంతా విని సైలెంట్ గా ఉంటాడు.
అంతటితో ఈ ఎపిసోడ్ ముగుస్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation
