ఇంటింటి రామాయణం Nov 21st, 2025 శుక్రవారం ఎపిసోడ్: తప్పుడు మాటలతో మీనాక్షిని బాధ పెట్టిన పల్లవి …!!! చెంప చెళ్లుమనిపించిన అవని …!!!
ఈరోజు ఎపిసోడ్ లో కమల్ బిర్యానీ ప్యాకెట్ తెరిచి పల్లవి ముందే కూర్చొని ఒక్కో ముక్క రుచి చూస్తూ తింటూ ఉండగా, పల్లవి మాత్రం పక్కనే ఆకలితో చూస్తూ “బావా, నాకూ కొంచెం పెట్టవా?” అని బ్రతిమిలాడుతుంది. కానీ కమల్ మాత్రం “నేను కరెంట్ పని చేసి సంపాదించిన డబ్బుతో కొన్న బిర్యానీ ఇది. నీకు నేను ఆ పని చేయడం ఇష్టం లేదు కదా. మరి ఇది ఎలా తింటావ్?” అని అంటాడు. పల్లవి ఇంకా అలా అన్నాను అంటూ కొంచం పెట్టు అని బ్రతిమిలాడుతూ ఉంటుంది. అయితే పొద్దున్న నుండి పని చేసి ఒళ్ళు నొప్పులుగా ఉన్నాయి అని కమల్ అనడంతో పల్లవి కమల్ కాళ్ళు పట్టి, తలకి చేతులకి మసాజ్ చేస్తుంది. చివరికి కమల్ బిర్యానీ అంత తాను తినేసి పెరుగన్నం ఇచ్చేసి వెళ్తాడు.
పల్లవి ఆకలి, అవమానం, కోపంతో రూమ్‌ నుంచి బయటకు వస్తూ గడపపై జారి కిందపడిపోతుంది. నొప్పితో “అమ్మ!” అంటూ అరవగానే మీనాక్షి పరుగెత్తుకుంటూ వచ్చి, తల్లి ప్రేమతో ఆమె కాలి దగ్గర కూర్చుని “ఏమైందమ్మా? నొప్పిగా ఉందా?” అని అడుగుతూ వెంటనే నూనె తీసుకుని మృదువుగా మసాజ్ చేయడం మొదలుపెడుతుంది. పల్లవి సైలెంట్ గా ఉంటుంది.
కొంచం నొప్పి తగ్గిన వెంటనే పల్లవి “నేను నీ భర్త గురించి అడుగుతున్నాను అని నాతో మంచి అవ్వాలి అని బాగా కాకాపడుతున్నావుగా. నాకర్థమైపోయింది మీ నాటకం” అని అంటుంది. మీనాక్షి అర్థం కాక “అది ఏం మాటమ్మా?” అని ప్రశ్నించగానే, పల్లవి “ఎన్నిసార్లు అడిగినా మీ భర్త గురించి నోరు విప్పలేకపోతున్నావంటే ఎవరికీ చెప్పలేని ఏదో చెడ్డ గతం అయ్యి ఉంటుంది నీది. నీ క్యారెక్టర్ సరిగా ఉంటే చెప్పడానికి ఏముంది?” అంటూ వ్యక్తిగతంగా, దారుణంగా, అవమానకరంగా మాట్లాడుతుంది. ఆ మాటలు విని మీనాక్షి చాల బాధ పడుతూ ఉంటుంది. అంతేకాకుండా “నీ పిల్లలు కూడా నీ భర్త వల్ల పుట్టి ఉండకపోవచ్చు” అని దిగజారి మాట్లాడుతుంది పల్లవి.
ఆ సమయంలో అక్కడికొచ్చిన అవని ఆగకుండా “ఏయ్ నోరు మూసుకో! మా అమ్మ గురించి ఇలా మాట్లాడే స్థాయి కాదు నీది. ఏం తెలుసు అని మా అమ్మ గురించి అలా మాట్లాడుతున్నావ్” అని గట్టిగా అరిచి, చేయి ఎత్తుతుంది. మీనాక్షి వెంటనే అవనిని ఆపుతుంది. కానీ అవని ఇంకా మండిపడుతూ “ఇవాళ దీనికి బుద్ధి చెప్పకపోతే రేపు ఎవరి మీదనైనా ఇలానే నోటికి వచ్చిన మాటలు మాట్లాడుతుంది” అని అంటుంది. పల్లవి మాత్రం “మీ అమ్మ ఎవరి భార్యో చెప్పొచ్చు కదా. చెప్పకుండా నన్ను అంటారు ఏంటి. ఎం తప్పు లేకపోతే చెప్పండి, అంతే కదా?” అని రెచ్చగొడుతుంది. అవని ఒక్క క్షణం ఆగి నిజం చెప్పబోయేలా “మా అమ్మ భర్త ఎవరంటే” అని మొదలుపెట్టగానే, మీనాక్షి వెంటనే ఆపేస్తుంది.
అవని ఆవేశంతో “నిజం చెప్తేనే ఇటువంటి మాటలు ఆగుతాయి అమ్మ” అని పట్టుబడుతుంది. కానీ మీనాక్షి నెమ్మదిగా “ఇప్పుడు నిజం బయటపడటం మంచిది కాదు అని నువ్వే చెప్పావ్ కాదమ్మా. ఎదో ఒకరోజు వాళ్ళే తెలుసుకునే సందర్భం వస్తుంది. అప్పటిదాకా నిశ్శబ్దమే మంచిది” అని చెప్పి అవనిని తీసుకెళ్లిపోతుంది. అక్కడే నిలబడి విన్న పల్లవి మాత్రం మనసులో “ఏంటో ఇద్దరు ఒకరిని ఒకరు సపోర్ట్ చేసుకోవడమే సరిపోతుంది. ఎన్నాళ్ళు చెప్పారో చూద్దాం” అనుకుంటూ నవ్వుకుంటుంది.
ఇక మరోవైపు, రాజేంద్ర ఇంటి బయట ఒంటరిగా కూర్చొని లోలోపల మండిపోతుంటాడు. అతనికి చక్రధర్ చేసిన మోసమే గుర్తు వస్తూ ఉంటుంది. అక్షయ్ దగ్గరికి వచ్చి ఎందుకు నిద్రపోలేదని అడిగితే, రాజేంద్ర గుండెల్లో ఉన్న బాధను బయటపెడుతూ “మన మనిషే ద్రోహం చేశాడని తెలిసిన తర్వాత నిద్ర ఎలా వస్తుంది. ఆధారాలు లేవన్న కారణంతో చక్రధర్‌ని ఏం చేయలేకపోవడం నా వాళ్ళ కావడం లేదు అక్షయ్” అని చెప్పుకుంటాడు.
అక్షయ్ అతన్ని శాంతింపజేస్తూ, “నేను అవని కలిసి నిజం వెతికే పనిలో ఉన్నాం. త్వరలో ఏదో ఒక ఆధారం దొరుకుతుంది” అని భరోసా ఇస్తాడు. అప్పుడే పార్వతి, అవని కూడా అక్కడికి వస్తారు. పార్వతి బాధ పడుతూ తమ ఇల్లు–ఆస్తి తిరిగి రావాలని అక్షయ్, అవని మీద ఆశ పెట్టుకుంటుంది. అవని అంతలో “ఎవరు ఎంత కుట్ర చేసినా చివరికి న్యాయమే గెలుస్తుంది. మనకి దేవుడు ఎదో ఒక దారి చూపిస్తాడు” అని నమ్మకంగా అంటుంది.
అలా మాట్లాడుతున్నప్పుడే అక్షయ్ ఫోన్‌లో ఒక మెసేజ్ చూసి ఉత్సాహంగా “తన కాలేజ్ ఫ్రెండ్ శ్రీరామ్ ఇప్పుడు హైదరాబాద్‌లో పోలీస్ ఆఫీసర్‌గా చేరాడని. వాడి ద్వారా ఆధారాలు సేకరించడం ఈజీ అవుతుంది. రేపు వెళ్లి మాట్లాడదాం” అని చెప్పగానే, దూరం నుంచి వీటన్నింటిని విన్న పల్లవి ఒక్కసారిగా భయపడుతూ మనసులో “అది బయటపడితే ఇల్లు పోవడానికి కారణం అవని సంతకం ఫోర్జరీ చేసినది మా డాడ్ అని తెలిసిపోతుంది ఏమో” అని అనుకుంటుంది.
ఆమె వెంటనే పక్కకి వెళ్లి చక్రధర్‌కి ఫోన్ చేసి, “డాడ్, అక్షయ్ బావ అవని కలిసి రేపు పోలీస్ స్టేషన్‌కి వెళ్తున్నారు. అక్షయ్ బావ ఫ్రెండ్ పోలీస్ ఆఫీసర్ అంట. ఇది అంత మీరే చేసారు అని ఫైనాన్సర్ చెప్పాడు కదా వాళ్ళు ఆధారాలు కోసం గట్టిగా ప్రయత్నిస్తున్నారు. ఇప్పుడు ఎలా డాడ్ ” అని అడుగుతుంది. చక్రధర్ మాత్రం శాంతంగా “వాళ్ళ ప్రయత్నాలు వాళ్ళని చేయనివ్వు. నువ్వు ఎం టెన్షన్ పడకు. రేపు వాళ్ళు వెళ్లకుండా నేను చూసుకుంటాను” అని చెబుతాడు. పల్లవి కూడా “నేను కొద ఇక్కడ మీనాక్షిని అందరి దృష్టిలో తప్పుడు మనిషిలా చూపిస్తున్న. అత్తయ్యకి కొంచం గట్టిగా అనిపిస్తే చాలు ఇంట్లో నుండి వెళ్లగొట్టడానికి. తొందరగా మీనాక్షిని ఇంటి నుంచి పంపించాలి. ఆ మనిషి వచ్చాకనే ఈ సమస్యలన్నీ. అన్నిటికి ఆమే కారణం” అని తన ప్లాన్ చెప్తుంది.
అలా మాట్లాడుతుండగా అపుడే అక్కడికి వచ్చిన అవని ఆ మాటలు వింటుంది. ఎవనిని చూసిన పల్లవి ఉలిక్కిపడి ఫోన్ కట్ చేయగానే, అవని పల్లవిని చెంప మీద లాగి కొట్టి స్పష్టంగా హెచ్చరిస్తుంది “మా అమ్మ గురించి ఇంకోసారి ఆలోచించిన కొట్టడం కాదు చంపేస్తాను. నీ వేషాలు నీ బుద్దులు నాకు బాగా తెలుసు. పద్ధతిగా లేకపోతే నీకు అడ్రెస్ కూడా లేకుండా చేస్తాను. నువ్వు మీ నాన్నతో కలిసి మన ఇల్లు ఆస్తి పోవడానికి ప్లాన్ చేసావని నాకు తెలుసు. త్వరలోనే మిమ్మల్ని ఇద్దరినీ బయట పెడతా. మైండ్ ఇట్.” అని చెప్పి వెళ్లిపోతుంది.
పల్లవి కోపంతో నన్నే కొడతావా అంటూ నేరుగా భానుమతి దగ్గరకు వెళ్లి, కాళ్లపై పడిపోయి ఏడుస్తూ “అవని నన్ను కొట్టింది అమ్మమ్మ” అంటూ మరో కొత్త డ్రామా మొదలుపెడుతుంది.
అక్కడితో ఈ ఎపిసోడ్ ముగుస్తుంది.
Source inspiration: Original story from “ఇంటింటి రామాయణం” (JioHotstar). This is a personal written recap and interpretation
