కార్తీక దీపం Oct 31st, 2025 శుక్రవారం ఎపిసోడ్ : జ్యోత్స్నపై శివన్నారాయణ మండిపాటు…. ఇంటికి తిరిగి వచ్చిన సుమిత్ర ….. !!!!!
పోలీస్ స్టేషన్‌లో వాతావరణం కాస్త ఉద్రిక్తంగా ఉంటుంది. శివన్నారాయణ అక్కడికి చేరి, ఎస్ఐని నేరుగా ప్రశ్నిస్తాడు – “ఏ ఆధారంతో నా కూతురిని అరెస్ట్ చేశారు? జ్యోత్స్న చెప్పిందని మాత్రమేనా? సుమిత్ర నిజంగా ఆ ఇంట్లో కనిపించిందా? దానికి సాక్ష్యం ఉందా?” ఎస్ఐకి మాట్లాడకుండా సైలెంట్ గా ఉంటాడు. “ఏ సాక్ష్యం లేకుండా ఇలా అరెస్ట్ చేయడం సరైనదేనా?” అంటూ శివన్నారాయణ కోపంగా అంటాడు. “మీరు కారణం చెప్పకపోతే నేను IGకి కాల్ చేస్తా!” అని హెచ్చరిస్తాడు.
ఎస్ఐ వెంటనే క్షమాపణ చెబుతూ, “సార్, మేము ఎఫ్ఐఆర్ కూడా రాయలేదు” అంటాడు. దాంతో జ్యోత్స్న వెంటనే “ఇప్పుడే ఎఫ్ఐఆర్ రాయండి” అంటుంది. అప్పుడు శివన్నారాయణ చెబుతాడు, “సరే, ఆ కేసుతో పాటు నా కేసు కూడా రాయండి. నువ్వు నా కూతురి మీద కేసు పెట్టావు కదా, ఇప్పుడు నేనే నీ మీద కేసు పెడతాను. మీ అమ్మ కోసం నా కూతురిని స్టేషన్‌లో కూర్చోబెట్టావు కదా, ఇప్పుడు నా కూతురి కోసం నిన్ను సెల్‌లో వేయిస్తాను” అని గట్టిగా అంటాడు.
జ్యోత్స్న ఆశ్చర్యంగా చూస్తుంది. “నువ్వు ఎస్ఐతో మాట్లాడితే, నేను ఐజీతో మాట్లాడతాను, చూద్దాం ఎవరి మాట బలంగా ఉంటుందో!” అని వార్నింగ్ ఇస్తాడు శివన్నారాయణ. జ్యోత్స్న కాస్త ఆగి అడుగుతుంది – “అయితే మా మమ్మీ ఏమైంది?” అని. దాంతో శివన్నారాయణ చెబుతాడు – “నా కోడలు సేఫ్‌గానే ఉంది. నా కొడుకుతో దగ్గరే ఉంది” అని అంటాడు. అప్పుడు పారిజాతం జ్యోత్స్నతో అంటుంది “కార్తీక్ మీ తాతయ్యకి ఫోన్ చేశాడు, సుమిత్ర ఎక్కడుందో చెప్పాడు” అని. పారిజాతం SIతో “మా సుమిత్రకి ఏమీ కాలేదు, కాసేపట్లో మా ఇంట్లో ఉంటుంది” అని చెప్తుంది.
శివన్నారాయణ ఎస్ఐ వైపు తిరిగి, “నా మనవరాలు తప్పు చేసింది, దానికి నేను సారీ చెబుతున్నాను. కానీ ఇప్పుడు మీరు నా కూతురికి సారీ చెప్పండి” అని అంటాడు. ఎస్ఐ వెంటనే క్షమాపణ చెబుతాడు.
కాంచన అక్కడి నుండి వెళ్తూ, “ఈసారి ఎవరి మాటలని నమ్మి ఇలా తొందరపడొద్దు” అని చెప్పి బయల్దేరుతుంది.
ఇంతలో కాంచనకి శ్రీధర్ నుంచి కాల్ వస్తుంది. “ఫోన్ ఎందుకు లిఫ్ట్ చేయడం లేదు?” అని అడుగుతాడు.
“నేను పోలీస్ స్టేషన్‌లో ఉన్నాను” అని కాంచన చెబుతుంది. శ్రీధర్ ఆశ్చర్యంగా, “ఏమిటి? పోలీస్ స్టేషన్‌లోనా?” అని అడుగుతాడు. అప్పుడు కాంచన వివరిస్తుంది – “సుమిత్రని దీప కిడ్నాప్ చేసిందని కేసు పెట్టారు, అందుకే పోలీసులు వచ్చారు.” పారిజాతం వెంటనే ఫోన్ తీసుకొని, “ఇప్పుడు అంతా మా ఇంటికి వెళ్తున్నాం, ఆ తర్వాత మాట్లాడుకుందాం” అంటుంది. శ్రీధర్ ఆగ్రహంతో, “జ్యోత్స్న, నువ్వు నా భార్యపై కేసు పెట్టావా? అయితే నీకు చివరి రోజు దగ్గరపడింది!” అని గట్టిగా అంటాడు.
ఇంట్లోకి వెళ్లిన తర్వాత జ్యోత్స్న పెద్ద గొడవ మొదలుపెడుతుంది. “మా డాడీకి కూతురి కంటే మేనల్లుడు ఎక్కువ, భార్య కంటే చెల్లెలు ఎక్కువ! నీకు కొడుకు కంటే కూతురు ఎక్కువ, మనవరాలు కంటే మనవడు ఎక్కువ!” అంటూ మండిపడుతుంది. “ నీ మనవడు కాల్ చేసి కేసు పెట్టాను అంటే నువ్వు పరిగెత్తుకుంటూ స్టేషన్‌కు వచ్చావు, అక్కడ నన్ను అవమానించావు!” అని అంటుంది. శివన్నారాయణ ప్రశాంతంగా అంటాడు, “అది అవమానం కాదు జ్యోత్స్న, నీ తప్పుని, ప్రవర్తనని సరిదిద్దడం” అని.
జ్యోత్స్న ఫైర్ అవుతూ, “రెండు రోజులుగా మా మమ్మీ కనిపించట్లేదు, మేము సైలెంట్‌గా ఉండాలా? నీ కోడలిమీద అనుమానం రావడం కాదు, అది నిజం!” అని అంటుంది. అపుడే వచ్చిన శ్రీధర్ అంటాడు “సుమిత్ర నా భార్య ఇంట్లో ఉంది అనడానికి సాక్ష్యం ఏంటి” అని. అలానే నా భార్య మీద కేసు ఎందుకు పెట్టారో చెప్పకపోతే పరువు నష్టం కేసు వేస్తాను అంటాడు. శివన్నారాయణ శ్రీధర్ తో, “జ్యోత్స్నకి , ఈ మధ్య మతిస్థితి బాగోలేదు” అని అంటాడు. ఆ మాట విన్న జ్యోత్స్న, పారిజాతం షాక్ అవుతారు.
అప్పుడు శివన్నారాయణ నిలదీస్తాడు – “తాత అంటే నీకు గౌరవం లేదా? ఈ ఇంటి పెద్దరికానికి విలువ లేదా?” జ్యోత్స్న కూడా ముందుకు వచ్చి అడుగుతుంది, “మా మమ్మీ సేఫ్‌గా ఉందని చెప్పారు కదా, ఎక్కడుంది?” ఇంతలో కార్తీక్ వస్తాడు. “నువ్వు వెళ్లి ఎర్ర నీళ్లు తీసుకురా” అంటాడు దీపని చూసి. తర్వాత సుమిత్ర, దశరథలతో కలిసి లోపలికి వస్తాడు. అందరూ ఆశ్చర్యంగా చూస్తారు.
శివన్నారాయణ అంటాడు, “పారు, నువ్వు దిష్టి తీయకు, దీప తీయాలి” అని. కార్తీక్ సుమిత్ర తో “ఇవాళ మీ పెళ్లయిన రోజు కదా. ఒకప్పుడు కొత్త కోడలిగా ఈ ఇంటి గడప దాటి వచ్చావు, ఇప్పుడు అలాగే మళ్ళీ రా” అని అంటాడు. దీప అమ్మ నాన్నలకు దిష్టి తీస్తుంది. కార్తీక్ గడపతో ఇంకా ఎపుడు మా అత్త ఈ గడప ఒంటరి గా దాటకుండా చూసుకోమని అంటాడు.
సుమిత్ర శివన్నారాయణ ముందుకు వచ్చి చేతులు జోడిస్తుంది. “ఈ ఇంటి గౌరవాన్ని కాపాడాల్సిన కోడలిని నేనే, కానీ ఆలోచించకుండా వెళ్లిపోయాను. అది నా తప్పు” అంటుంది. శివన్నారాయణ సుమిత్రతో, “కష్టం వచ్చినప్పుడు మనతో ఎవరు నిలబడతారో అని తెలుస్తుంది. నీ వెనుక ఈ కుటుంబం మొత్తం ఉంది.” అని అంటాడు. అపుడు సుమిత్ర శివన్నారాయణ ఆరోగ్యం గురించి అడగగా శివన్నారాయణ నవ్వుతూ “నా మనవడు నా పక్కన ఉన్నాడు కదా, వీడు నాకు సంజీవని లాంటివాడు నాకు ఏం అవుతుంది?” అని అంటాడు. ఆ మాట విన్న జ్యోత్స్న, పారిజాతం ముఖాల్లో అసహనం కనిపిస్తుంది. కోపంతో జ్యోత్స్న అక్కడ నుండి వెళ్ళిపోతుంది. వెనకనే పారు జ్యోత్స్న కోసం గది లోకి వెళ్లి కిందకి రమ్మని అడుగుతుంది లేదంటే అందరు నిన్ను ఛీ అంటారు అని చెప్తుంది.
జ్యోత్స్న అంటుంది, “మా అమ్మ తిరిగి వచ్చింది కానీ దానికి కారణం నేను కాదు కదా! ” అని. అయినా అమ్మ కనీసం నా వైపు కూడా చూడలేదు” ఎందుకు రావాలి అని అంటుంది. పారిజాతం తక్షణమే అంటుంది, “నీ తప్పులు అలానే ఉన్నాయి కదా” అని. “ఉదయాన్నే నేను కూడా డాడీతో వెళ్లాలి అన్నప్పుడు నువ్వే ఆపావు. నేను వెళ్లి ఉండి ఉంటే బావ ఏం చేస్తున్నాడో తెలిసిపోయేది” అని జ్యోత్స్న అంటుంది. పారిజాతం చెబుతుంది, “తప్పంతా నీదే. నిన్ను నేను ఎందుకు సపోర్ట్ చేయాలి?” అని.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
