కార్తీక దీపం Nov 7th, 2025 శుక్రవారం ఎపిసోడ్: జ్యోత్స్నకి షాక్ ఇచ్చిన సుమిత్ర …. !!! కార్తీక్ , జ్యోత్స్న ల వాగ్వివాదం … !!!
జ్యోత్స్న గురించి సుమిత్ర నిర్ణయం
పారు మాట్లాడుతూ, “జ్యోత్స్న ఏ స్థానంలో ఉండాలో నిర్ణయించే హక్కు సుమిత్రకీ ఉంది కదా” అని అంటుంది. తరువాత నేరుగా సుమిత్రను చూసి, “నువ్వు చెప్పు సుమిత్రా, జ్యోత్స్నను నువ్వు ఎలా చూడాలి అనుకుంటున్నావు?” అని అడుగుతుంది. పారు, కుటుంబ సభ్యుల మధ్య సుమిత్ర తన నిర్ణయాన్ని చెబుతుంది.
సుమిత్ర ఆలోచన లేకుండా “నాకు నా కూతురిని పెళ్లికూతురిలా చూడాలనుంది” సమాధానం ఇస్తుంది. ఈ మాట విని అందరూ షాక్ తో ఆమెను చూస్తారు. పారు, జ్యోత్స్న తప్ప మిగిలిన వారందరూ సుమిత్ర మాటకు మౌనంగా అంగీకరిస్తారు.
సుమిత్ర మెల్లగా “నా కూతురికి మంచి జీవితాన్ని ఇవ్వాలి అనుకుంటున్నాను. ఇంతకుమించి నేనేం కోరుకోవడం లేదు,” అని చెప్పి లోపలికి వెళ్ళిపోతుంది. పారు “సుమిత్రా!” అని పిలుస్తూ ఆపడానికి ప్రయత్నిస్తుంది.
అప్పుడే దశరథ అడ్డుపడి, “పిన్నీ, సుమిత్ర తన నిర్ణయం చెప్పేసింది. వదిలేయండి,” అని చెబుతాడు. శివన్నారాయణ గదిలోకి వెళ్తూ కార్తీక్‌కి “మనం కొద్దిసేపట్లో ఆఫీసుకు వెళ్లాలి. రెడీ అవ్వు” అని సూచిస్తాడు. కార్తీక్ నేను రెడీగానే ఉన్నాను అని బదులిస్తాడు. దశరథ జ్యోత్స్న వైపు చూసి, “అధికారం రిక్వెస్ట్ చేస్తే రాదు, టాలెంట్ ఉంటే వస్తుంది,” అని చెప్పి వెళ్తాడు.
జ్యోత్స్న, పారు ఇద్దరూ ఒక్కసారిగా ఆవేశంగా మారుతారు. సీఈఓ పదవి గురించి ఇద్దరూ తలపట్టుకుంటారు.
దీప సహాయం కోరిన జ్యోత్స్న
పారు జ్యోత్స్నను సమాధానపరుస్తూ, “దీపను రిక్వెస్ట్ చెయ్. ఆమె మాట్లాడితే కార్తీక్ నీకు సపోర్ట్ చేస్తాడు,” అని చెబుతుంది. జ్యోత్స్న కొంత సమయం ఆలోచించి, “అది మంచి ఐడియా, గ్రానీ. నేను దీప దగ్గరకి వెళ్తాను,” అని చెబుతుంది.
దీప వంటగదిలో పనిలో ఉండగా జ్యోత్స్న దగ్గరకు వెళ్ళి నెమ్మదిగా మాట్లాడుతుంది. “దీపా, నేను నిన్ను ఈ ఇంటికి తీసుకు వచ్చాను. ఆ కృతజ్ఞత నీకు ఉంది అనుకుని నీ దగ్గర సాయం కోసం వచ్చాను. నేను అడిగేది మన బావకి సంబంధించిన విషయం,” అని చెబుతుంది.
దీప అయోమయంగా “మన బావ?” అని అడుగుతుంది. జ్యోత్స్న “అవును, నాకు వరసకు బావ, నీకు పేరుకి బావ,” అని అంటుంది. దీప చిన్నగా నవ్వుతూ “పేరుకేంటి, నాకూ వరసకు బావే. నిజానికి నాకు మాత్రమే బావ. నీకైతే బావ అని పిలిచే అధికారమే లేదు,” అని సమాధానం ఇస్తుంది.
జ్యోత్స్న ఆశ్చర్యంతో “మేనత్త కొడుకుని బావ అని పిలిచే అర్హత లేకపోవడం ఏంటీ?” అని అడుగుతుంది. దీప శాంతంగా “మేనత్త కొడుకు అనుకుని ఉంటే ఈ ఇంటి డ్రైవర్‌గా చేసేవారే కాదు కదా?” అని తిరిగి ప్రశ్నిస్తుంది.
జ్యోత్స్న “నువ్వు ఒక పని చేస్తే మా బావ డ్రైవర్ నుంచి ఓనర్ అవుతాడు,” అని అంటుంది. దీప వెటకారంగా “మా బావని నీకు ఇచ్చి పెళ్లి చేయమంటారా? ” అని అడుగుతుంది . దానికి జ్యోత్స్న కాస్త వ్యంగంగా “వెటకారం బాగానే ఉందిలే. నన్ను సీఈఓగా సపోర్ట్ చేయమని బావతో చెప్పు. లేదంటే నేను చాలా బాధపడతాను,” అని చెబుతుంది. దీప “బావ నా మాట వినడు. తనకి నచ్చిందే చేస్తాడు” అని అంటుంది.
జ్యోత్స్న మరింత వినయంగా మాట్లాడుతూ, “నువ్వు చెప్పేలా చెప్తే బావ నీ మాట వింటాడు. బావతో మాట్లాడు దీపా, సీఈఓ పదవి పోతే నాకు చాలా బాధ వస్తుంది. నువ్వు సాయం చేస్తే అగ్రిమెంట్ క్యాన్సిల్ చేస్తాను, డ్రైవర్ నుంచి ఓనర్‌గా చేస్తాను. ఆలోచించు దీపా,” అని చేతులు పట్టుకుంటుంది.
దీప కొంత ఆలోచనతో “సరే మీరు వెళ్ళండి. నేను ఆలోచిస్తాను అమ్మాయిగారూ,” అని సమాధానం ఇస్తుంది. జ్యోత్స్న సంతోషంగా “అయితే నా పని అయిపోయినట్టే. బావతో మాట్లాడు, మరిచిపోకు. నువ్వు మంచిదానివి దీపా. బావ నీ మాట వింటాడు, థాంక్స్ దీప” అని చెబుతూ వెళ్తుంది.
దీప ఒంటరిగా నవ్వుకుంటూ “నీ నాటకాలు నాకు తెలియవా జ్యోత్స్నా? ఇది నీ ఐడియా కాదు, మీ నాన్నమ్మ ఇచ్చిన ప్లాన్ అదే. ముందు ఆవిడని ఛీ అనాలి” అని మనసులో అనుకుంటుంది.
జ్యోత్స్న, పారు ల మంతనాలు
ఇంతలో జ్యోత్స్న పారు దగ్గరకు వస్తుంది. పారు “దీప ఏమంది?” అని అడుగుతుంది. జ్యోత్స్న తన శైలిలో “ఏమంటుంది గ్రానీ, కచ్చితంగా పని అయిపోయింది. పడిపోయింది నా బుట్టలో. అగ్రిమెంట్ క్యాన్సిల్ చేస్తాను అన్నాను,” అని చెబుతుంది.
పారు సందేహంతో “అగ్రిమెంట్ క్యాన్సిల్ చేసుకునే అవకాశం వాళ్లకి ఇప్పటికే చాలాసార్లు వచ్చింది అపుడే వాళ్ళు కాన్సుల్ చేసుకోలేదు. దీప నీకు హెల్ప్ చేస్తుంది అని నేను అనుకోవడం లేదు” అని సందేహంగా చెబుతుంది. ఆ మాటలకు జ్యోత్స్నకు కూడా డౌట్ వస్తుంది. పారుతో “అలా అయితే ఖచ్చితంగా తాత బావనే సీఈఓగా చేస్తాడు. అదే జరిగితే నేను దీప ముందు ఓడిపోయినట్టే గ్రానీ” అని అంటుంది.
పారు సలహా ఇస్తూ “మీ అమ్మ కాళ్లమీద పడిపోయి అడుగు” అని చెబుతుంది. జ్యోత్స్న పారుతో కొంచం కోపంగా “మా అమ్మ ఇప్పటికే పెళ్లి చేసుకో అని చెప్పి వెళ్ళిపోయిందిగా. ఇంకా వెళ్లి ఏం అడగమంటావ్” అని అంటుంది. దానికి పారు “అందుకే నా మాట విని సీఈఓ పదవి వదిలేసి పెళ్లి చేసుకో” అని సలహా ఇస్తుంది.
జ్యోత్స్న తడబడుతూ “పెళ్లి నా వల్ల కాదు. మూడు ముళ్లు పడితే ఇష్టం కష్టమైనా కలిసి ఉండాలి. అది నా వల్ల కాదు. సీఈఓగా ఉండటమే నా లక్ష్యం. గ్రానీ, ఈ సారి సీఈఓ పదవిలో నేనే కూర్చుంటే, బావే నా భర్త అది ఫిక్స్. ఎలా అవుతుంది అనేది తర్వాత చెబుతాను” అని చెప్తుంది. పారు చివరగా “సరే, నువ్వు వెళ్లు. నేను ఏదో ఒక ఆలోచన చేస్తాను. నువ్వు చింతించకు,” అని చెబుతుంది. జ్యోత్స్న “థాంక్స్ గ్రానీ,” అని వెళ్తుంది.
జ్యోత్స్నకి గట్టిగ సమాధానం ఇచ్చిన కార్తీక్
తర్వాత అందరూ ఆఫీసులోకి వెళ్తారు. జ్యోత్స్న కార్తీక్ దగ్గరకు వచ్చి “బావ, నీతో మాట్లాడాలి,” అని చెబుతుంది. కార్తీక్ తీక్షణంగా “డ్రైవర్‌తో నీకు మాటలేంటి?” అని ప్రశ్నిస్తాడు. జ్యోత్స్న కోపంగా “నువ్వు ఎందుకు తప్పించుకుంటున్నావో నాకు తెలుసు. ఈ గొడవలన్నీ నువ్వే చేశావు. అన్నిటికి నేనే కారణం అయ్యేలా చేసావ్. నా ఇంట్లోనే నన్ను పరాయిదాన్ని చేసావు. నా కుటుంబానికి నన్ను శత్రువుని చేసావు. అంత ఆస్తికి వారసురాలిని నేనే అయినా కూడా నాకూ అధికారం లేకుండా చేసావు ” అని అంటుంది.
కార్తీక్ కూల్ గా “అన్ని నువ్వు చేసి అవతల వాళ్ళ మీద నెట్టేస్తున్నావా. అయినా నేను ఎందుకు ఇవి అన్ని చేస్తాను” అని అడుగుతాడు. జ్యోత్స్న ఆవేశంగా “దీప కోసం. నేను దీప మీద పోలీస్ కంప్లైంట్ ఇచ్చాను అని. దీప కోసం నువ్వు నా మీద పగ తీర్చుకుంటున్నావు. ఎందుకు బావ ఇంత దిగజారిపోయావు” అని అంటుంది.
కార్తీక్ సమాధానంగా “ఆ మాట ఎలా అనగలుగుతున్నావు జ్యోత్స్న. దిగజారింది నువ్వే. ఆరోజు బోర్డు సభ్యులు నీకు ఎదురు తిరగగానే నాతో బేరాలు ఆడవు. నేను ఒప్పుకోలేదు అని ఇవాళ వంటింట్లో నా భార్యతో బేరాలు ఆడటాన్ని నేను చూశాను. అది వర్కౌట్ కాలేదని ఇప్పుడు మరొక నాటకం ఆడుతున్నావు. మీటింగ్‌లో ఏం నిర్ణయం తీసుకుంటారో అని భయపడిపోతున్నావు. ఊరుకుంటున్నాను కదా నోటికి వచ్చినట్టు మాట్లాడకు” అని తీవ్రంగా అంటాడు.
జ్యోత్స్న తడబడుతూ “నాకు భయం లేదు.నేను ఎందుకు భయపడతాను ” అని అంటుంది. కార్తీక్ గట్టిగ “ఎందుకంటే సీఈఓగా నీ పోస్ట్ పోతే నువ్వు తల ఎగరేసిన వర్కర్స్ ముందే నీ పరువు పోతుంది అని” అని సమాధానం ఇస్తాడు. జ్యోత్స్న తీక్షణంగా “నేను అనుకున్నది జరగకపోతే ఏం చేస్తానో చూడు,” అని హెచ్చరిస్తుంది. కార్తీక్ అంతే గట్టిగా “నువ్వేం చేయలేవు, ఇంకా వెళ్లు. పిలుపు వస్తే నేను కూడా వస్తాను” అని చెబుతాడు. జ్యోత్స్న“పిలుపు రాకుండా చేస్తాను,” అని స్పష్టం చేస్తూ లోపలికి వెళ్తుంది.
బోర్డ్ మీటింగ్
అంతలో లోపల బోర్డ్ మీటింగ్ ప్రారంభమవుతుంది. ఒక సభ్యుడు “ముఖ్యమైన వాళ్లు ఇంకా రాలేదు,” అని చెబుతాడు. అప్పుడే జ్యోత్స్న లోపలికి వస్తూ “ముఖ్యమైన వాళ్లు రాకుండా ఎలా ఉంటారు, అంకుల్?” అని చెబుతుంది. “మనమందరం ఒక్కటిగా ఉండాలి, అప్పుడే అభివృద్ధి జరుగుతుంది,” అని చెబుతుంది.
బోర్డ్ మెంబర్ మెల్లగా “మీరు మళ్లీ సీఈఓగా ఉంటే…” అని మాట ముగించక ముందే శివన్నారాయణ అడ్డుపడి “నా నిర్ణయం ఇంకా చెప్పలేదు. ముందే ఎందుకు మాట్లాడుతున్నారు?” అని చెబుతాడు. కొంతమంది బోర్డ్ మెంబర్స్ “జ్యోత్స్న సీఈఓగా ఉంటే మేము ఇక్కడ ఉండలేం,” అని ప్రకటిస్తారు. దశరథ వారి వైపు తలూపుతూ సపోర్ట్ చేస్తాడు. శివన్నారాయణ “కార్తీక్‌ని పిలవండి,” అని ఆదేశిస్తాడు. జ్యోత్స్న మనసులో “డౌట్ లేదు, బావే కొత్త సీఈఓ. ఇది ఎలాగైనా ఆపాలి,” అని తలచుకుంటుంది.
అక్కడితో ఈ రోజు ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
