కార్తీక దీపం Nov 8th, 2025 శనివారం ఎపిసోడ్: కొత్త సీఈఓ కార్తీక్ అనుకుని ఫూల్ అయిన జ్యోత్స్న… !!!! కానున్న సీఈఓ దీపేనా … ?????
దీప కిచెన్‌లో వంట చేస్తుండగా, పారిజాతం దొంగచూపులు చూస్తుంది. అయితే ఆ విషయం దీప గమనిస్తుంది. పారిజాతం అక్కడికి వచ్చిన వెంటనే దీప ఎదురుగా నిలబడుతుంది. పారిజాతం సడన్ గా చూసి భయపడుతుంది. దీప పారిజాతం కి మాట కి మాట చెప్తూ కౌంటర్లు వేస్తూ ఒక ఆట ఆడుకుంటుంది.
దీప కౌంటర్లకు పారిజాతం మాట్లాడుతూ, “ఊపిరి తీసుకునే గ్యాప్ ఇవ్వవే, వరుసగా మాట్లాడుతున్నావ్” అని అంటుంది. ఈ సమయంలో పారిజాతం “బయట టాక్ వినిపిస్తోంది — నీ భర్త కార్తీక్ గాడే నెక్స్ట్ సీఈఓ అంట. నీకు కూడా అదే అనిపిస్తుందా? మా జ్యోత్స్న ఏదో నీకు చెప్పినట్లుంది కదా?” అని ప్రశ్నిస్తుంది. దానికి దీప “ఏమో అది నాకు తెలీదు. తాత గారి నిర్ణయం” అని అంటూంది. పారిజాతం “మా జ్యోత్స్న ఎదో అడిగిందిగా కార్తీక్ కి చెప్పావా?” అని అడుగుతుంది.
దానికి సమాధానంగా దీప “అధికారం అడిగితే వచ్చేది కాదు అర్హతతోనే రావాలి. అందుకే నేను మా బావతో ఏం చెప్పలేదు” అని అంటుంది. పారిజాతం “జ్యోత్స్న అడగడంతో నేను లోకువ అయ్యాను. నా మనవరాలికి అన్యాయం జరగనివ్వను. కార్తీక్ గాడు సీఈఓ ఎలా అవుతాడో చూస్తాను” అని కోపంగా చెబుతుంది. దీప అయితే ప్రశాంతంగా “ఏం చేసినా మా బావ అనుకుంటే అది జరగకుండా ఆపడం ఎవరి వల్ల కాదు” అని సమాధానమిస్తూ తన పని చూసుకుంటుంది.
ఇంతలో ఆఫీస్‌లో బోర్డ్ మీటింగ్ జరుగుతుంది. శివన్నారాయణ కార్తీక్‌ను పిలిచి కూర్చోమని చెబుతాడు.
జ్యోత్స్న మనసులొ బావని సీఈఓగా చేయకుండా ఆపాలి అనుకుంటుంది. అదే సమయంలో భరణి “కొత్త సీఈఓగా కార్తీక్ గారిని ప్రకటించండి” అని సూచిస్తాడు. జ్యోత్స్న “ఆ మాట ఛైర్మన్ గారు చెప్పాలి” అని అంటుంది. దానికి శివన్నారాయణ “అదే నా మనసులో మాట అయితే ” అని సమాధానమిస్తాడు. కానీ జ్యోత్స్న “అయితే నా మనసులో మాట కూడా వినండి, సీఈఓ అవ్వాలి అంటే అర్హత ఉండాలి ” అని అంటుంది.
భరణి నవ్వుతూ “మీరు కార్తీక్ గారి అర్హత గురించి మాట్లాడుతున్నారా?” అని అడుగుతాడు. జ్యోత్స్న “అర్హత అంటే చదువు మాత్రమే కాదు” అని చెబుతుంది. దశరథ “గతంలో కంపెనీని విజయవంతంగా నడిపిన వ్యక్తి గురించే నువ్వు మాట్లాడుతున్నావు అని మర్చిపోలేదు కదా?” అని గుర్తుచేస్తాడు.
అప్పుడు జ్యోత్స్న “మిస్టర్ కార్తీక్ గారికి సీఈఓ అయ్యే అర్హత లేదు. కారణం మా ఇద్దరి మధ్య ఉన్న అగ్రిమెంట్. దాని ప్రకారం నా నిర్ణయానికి వ్యతిరేకంగా ఆయన ఏ నిర్ణయం తీసుకోలేరు” అని చెబుతుంది. శివన్నారాయణ “నీ వ్యక్తిగత అగ్రిమెంట్‌లు ఇక్కడ పనికిరావు. నేను కార్తీక్‌ను సీఈఓగా ప్రపోజ్ చేయగలను” అని చెబుతాడు.
జ్యోత్స్న మాత్రం “అదే మాట ఆయనని చెప్పమనండి, నా అనుమతి లేకుండా అతను ఏ నిర్ణయం తీసుకోలేరు” అని అంటుంది. దాంతో బోర్డ్ సభ్యులు జ్యోత్స్నతో విభేదిస్తూ, “ఇలా బెదిరించడం సరైంది కాదు. మనమందరం చర్చించి నిర్ణయం తీసుకుందాం” అని అంటారు.
అప్పుడు కార్తీక్ లేచి “నేను ఇంతక ముందే ఓ నిర్ణయం తీసుకున్నాను. దాని ఫలితం ఎలా ఉన్నా సరే నేను దానికే కట్టుబడి ఉంటాను” అని చెబుతాడు. జ్యోత్స్న మనసులో “బావ తెగించేసాడు. ఇప్పుడు బావ అగ్రిమెంట్ దాటాడో ఏం చేయాలో నాకు తెలుసు” అని అనుకుంటుంది. కానీ కార్తీక్ “జ్యోత్స్నతో చేసిన ఒప్పందానికి నేను కట్టుబడి ఉన్నాను. నేను సీఈఓగా ఉండదల్చుకోలేదు” అని ప్రకటిస్తాడు.
కార్తీక్ మాట విని అందరూ షాక్ అవుతారు. భరణి “మీరు లేకుంటే కంపెనీ భవిష్యత్తు ఏమవుతుంది? జ్యోత్స్న మీద మాకు నమ్మకం లేదు” అని చెబుతాడు. శివన్నారాయణ “ఇలాంటి సమస్య వస్తుందని ముందే నాకు తెలుసు. మేము ముందే దేని గురించి ఆలోచించాము. ఈ కంపెనీకి సీఈఓ కార్తీక్ అని ఎవరన్నారు? మీరే అనుకున్నారు. మన కంపెనీకి అన్ని విధాలా సీఈఓ అయ్యే ఒక వ్యక్తిని మేము ముందే అనుకున్నాము” అని అంటాడు.
శివన్నారాయణ కార్తీక్ ని ఇంకా ఎంత సేపు అని అడగగా కార్తీక్ “కొత్త సీఈఓ ఇప్పటికే ఎంట్రీ ఇచ్చి ఉంటారు” అని చెబుతుండగా, అక్కడ దీప వస్తుంది. ఆమెను చూసి అందరూ ఆశ్చర్యపోతారు. కార్తీక్ “నా భార్య వచ్చేసింది చైర్మన్ గారు ” అని చెప్తాడు. జ్యోత్స్న ఒక్కసారిగా షాక్ అవుతుంది. మనసులో “అంటే కొత్త సీఈఓ దీపనా ” అని అనుకుంటుంది. అంతలో శివన్నారాయణ “లంచ్ పూర్తి చేసిన తర్వాత దీని గురించి మాట్లాడుకుందాం” అని చెబుతాడు.
జ్యోత్స్న మనసులో “ఇది బావ ప్లాన్. దీన్ని ఆపడానికి ఏం చేయాలో నాకు తెలుసు” అని అనుకుంటుంది. వెంటనే పారిజాతానికి కాల్ చేసి “కొత్త సీఈఓ బావ కాదు, దీప” అని చెబుతుంది. పారిజాతం ఆశ్చర్యంతో “అది ఎలా సాధ్యం? ఇపుడు ఏం చేద్దాం” అని అడుగుతుంది. జ్యోత్స్న “దానిని ఆపడం నీ పని” అని చెబుతుంది.
పారిజాతం “దీపను ఆపడానికి ఒక పవర్‌ఫుల్ అస్త్రం ఉంది — మీ అమ్మ” అని చెబుతుంది. కానీ జ్యోత్స్న అమ్మ నాకు సపోర్ట్ చేయదు అని చెప్తుంది. పారిజాతం నేను ఒప్పిస్తాను మీ అమ్మని తీసుకుని అక్కడికి వస్తాను అని చెప్తుంది. లంచ్ బ్రేక్ ఇచ్చారు అది అయ్యే సరికి ఇక్కడ ఉండండి అని జ్యోత్స్న చెప్తుంది.
పారిజాతం వెంటనే సుమిత్రను పిలుస్తుంది. ఆమెతో దీప కొత్త సీఈఓ అంట అని చెప్తుంది. సుమిత్ర అది నమ్మకుండా ” అది నిజం అయ్యి ఉండదు” అని అంటుంది. దానికి పారిజాతం “నీ కూతురికి అన్యాయం జరుగుతుంటే నువ్వు చూస్తూ ఊరుకుంటావా?” అని అంటుంది. సుమిత్ర “ఏం జరిగినా మామయ్య గారి నిర్ణయానికి నేను, నా భర్త కట్టుబడి ఉంటాం” అని చెబుతుంది.
దాంతో పారిజాతం “నువ్వు తల్లివి కాదేమో. నీ కూతురి భవిష్యత్తు మారాలంటే మనం వెళ్లాలి” అని ఒత్తిడి చేస్తుంది. సుమిత్ర “సరే, చీర మార్చుకుని వస్తా” అని చెబుతుంది.
ఈ సమయంలో పారిజాతం తీవ్ర కోపంతో “శివన్నారాయణ కొత్త సీఈఓగా దీపను ప్రకటిస్తే దానిని బతకనివ్వను. నేను కూడా అన్నిటికి తెగించే వస్తున్నాను” అని అంటుంది. ఆమె చేతిలో కత్తి పట్టుకుని ఆగ్రహంగా ఉంటుంది.
అక్కడితో ఈరోజు కార్తీక దీపం ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
