కార్తీక దీపం Nov 12th, 2025 బుధవారం ఎపిసోడ్: కొత్త సీఈఓగా శ్రీధర్ …. !!! ఇంట్లో నుండి వెళ్ళిపోతాను అన్న జ్యోత్స్న … !!!
ఎపిసోడ్ ప్రారంభంలో కంపెనీ బోర్డు మీటింగ్ కొనసాగుతుండగా కార్తీక్, దీపను సీఈఓగా ప్రతిపాదించగా దీప ఆ పదవిని రిజెక్ట్ చేస్తుంది. అప్పుడు జ్యోత్స్న “అయితే కొత్త సీఈఓ ఎవరు?” అని అడుగుతుంది.
శివన్నారాయణ సమాధానమిస్తూ “దీప ఆ బాధ్యత తీసుకోనని చెప్పిన క్షణమే, మేము ఆలోచించిన వ్యక్తికి సమాచారం పంపించాం” అని చెప్తాద్దు. జ్యోత్స్న ఆసక్తిగా “అతను ఎవరు?” అని అడుగుతుంటే, ఆఫీసు గేట్ వద్ద ఒక వ్యక్తి ప్రవేశిస్తాడు. అందరూ ఆశ్చర్యంగా చూస్తుండగా, సూట్ ధరించి వచ్చిన శ్రీధర్ లోపలికి వస్తాడు. ఎప్పుడూ పంచెలో కనిపించే అతను ఇలా స్మార్ట్‌గా రావడం అందరికీ షాక్ ఇస్తుంది.
జ్యోత్స్న ఆశ్చర్యంతో, “ఇప్పటికైనా కొత్త సీఈఓ ఎవరో చెబుతారా?” అని అడుగుతుంది. శివన్నారాయణ మాత్రం “ఎదురుగా ఉంటే ఎవరని అడుగుతావు ఏంటి” అంటూ ఆమెపై ఆగ్రహం వ్యక్తం చేస్తాడు. జ్యోత్స్న ఆగకుండా “మావయ్యకి సీఈఓ కావడానికి ఉన్న అర్హత ఏంటి?” అని ప్రశ్నిస్తుంది. శివన్నారాయణ “శ్రీధర్ కి ఈ కంపెనీకి సీఈఓ కావడానికి కావాల్సిన అన్ని అర్హతలు ఉన్నాయి” అని చెప్తాడు. దానికి జ్యోత్స్న మరీ కఠినంగా మాట్లాడుతూ, “ఈ కంపెనీకి సీఈఓ కావాలంటే రెండేసి పెళ్లిళ్లు చేసుకోవాలా?” అని ఎగతాళి చేస్తుంది. దాంతో శివన్నారాయణ కోపంతో లేచి నిలుస్తాడు. “ఇది వ్యక్తిగత విషయాలు చర్చించే స్థలం కాదు. ఇది బిజినెస్ బోర్డు మీటింగ్” అని హెచ్చరిస్తాడు.
ఆ తర్వాత ఆయన బోర్డు సభ్యులతో “శ్రీధర్ ఈ కంపెనీకి సీఈఓగా నియమించబడుతున్నారు. ఆయన విజయవంతమైన వ్యాపారవేత్త, ఈ కంపెనీని సమర్థవంతంగా నడిపించగలరు. అలాగే కార్తీక్‌ను ఇండిపెండెంట్ డైరెక్టర్ గా నియమిస్తున్న” అని ప్రకటిస్తాడు.
జ్యోత్స్న ఈ నిర్ణయంతో దిగ్భ్రాంతికి గురవుతుంది. శివన్నారాయణ మాజీ సీఈఓగా ఆమెను రాజీనామా చేయమని చెబుతాడు. అన్ని బోర్డు సభ్యులు సమ్మతం తెలుపుతారు. శ్రీధర్‌కు అపాయింట్‌మెంట్ లెటర్ అందజేస్తారు. ఎవరికైనా ఈ నిర్ణయాలపై అభ్యంతరాలుంటే ఇప్పుడే చెప్పాలని శివన్నారాయణ సూచిస్తాడు. కానీ ఎవరూ స్పందించరు.
బోర్డు సభ్యులు ఒకరివెనుక ఒకరు లేచి శ్రీధర్‌కు అభినందనలు చెబుతారు. “ఆయన కార్తీక్ గారి తండ్రి. అలానే కార్తీక్ గారు కూడా మనతోనే ఉన్నారు కాబట్టి, ఈ నిర్ణయానికి మాకు అభ్యంతరం లేదు” అని చెబుతారు.
మీటింగ్ ముగిసిన తర్వాత అందరూ వెళ్లిపోతారు. సుమిత్ర, పారిజాతం బయలుదేరుతుండగా దీపని కూడా వాళ్ళతో కలిసి వెళ్ళమని కార్తీక్ చెప్తాడు. జ్యోత్స్న మాత్రం కోపంతో “ఇక ఇక్కడ నా అవసరం లేదు” అని చెబుతూ బయటకు వెళ్తుంది.
శివన్నారాయణ హాలులో ఉండగా ఒక కత్తి నేలపై కనిపిస్తుంది. దాన్ని చూసి అయోమయంగా ఆగి, కార్తీక్‌కి “దీన్ని జాగ్రత్తగా పెట్టు” అని చెబుతాడు. తరువాత శ్రీధర్‌ని తన క్యాబిన్‌లోకి తీసుకెళ్తాడు. సీఈఓ కుర్చీలో కూర్చోబెట్టి అభినందనలు తెలుపుతాడు. శ్రీధర్ “నేను దీని కోసం అర్హుడినా?” అని ప్రశ్నిస్తాడు. శివన్నారాయణ నవ్వుతూ “నువ్వు కార్తీక్ తండ్రివి, అంతకంటే పెద్ద అర్హత లేదు” అని చెబుతాడు.
శ్రీధర్ కృతజ్ఞతతో “జ్యోత్స్న కూడా కంపెనీలో ఏదో స్థాయిలో కొనసాగితే బాగుంటుంది” అని చెబుతాడు. శివన్నారాయణ “ఆ విషయాన్ని నువ్వే ఆమెతో మాట్లాడి చెప్పు” అని సూచిస్తాడు.
ఆ తర్వాత శ్రీధర్ కార్తీక్ వైపు తిరిగి “థాంక్స్ రా, ఇది అంతా నీ వల్లే సాధ్యమైంది” అని చెబుతాడు. కార్తీక్ కూడా “లేదు మాస్టారు ఇది అంతా మీరే మారి సాధించుకున్నారు. అయినా మనం అంతా ఎపుడు కలిసి ఉండాల్సిన వాళ్ళమే కదా” అని చెబుతాడు. శ్రీధర్ భావోద్వేగంగా “లేదు రా. మీ తాత ఎం చెప్పారో విన్నావా నాకు ఉన్న అర్హత నీకు తండ్రి అవడమే అన్నారు. అంటే నీ వల్లనే ఇది అంతా. నన్ను తండ్రిగా గౌరవించావు. నన్ను గెలిపించావు. నేను ఎంతో గర్వంగా ఫీల్ అవుతున్నాను ” అని అంటాడు.
తన గత తప్పులు గుర్తుచేసుకుంటూ “నా కూతురుకి అన్యాయం చేసావు అని ఎవరైతే నన్ను ఇంటి నుంచి వెళ్ళగొట్టారో ఈ రోజు అదే మనిషి నాకు గౌరవం ఇచ్చి నన్ను ఇక్కడ కూర్చోపెట్టారు. తండ్రిని గెలిపించిన కొడుకువి నువ్వు.” ఇంకా చెప్తూ, “తల్లికి అన్యాయం చేసినందుకు నువ్వు నన్ను కొట్టాల్సింది, కానీ నువ్వు అలా చేయలేదు. నా మీద పగ కాకుండా ప్రేమను పెంచుకున్నావు” అని అంటాడు.
శ్రీధర్ కార్తీక్ ని ఉద్దేశించి “తండ్రి రుణం తలకొరివి పెడితే తీరుతుంది అంటారు, కానీ నా రుణం నువ్వు ఇప్పటికే తీర్చేసుకున్నావు. తండ్రి అనేవాడు కొడుక్కి కుటుంబం ఇస్తాడు కానీ నా కొడుకే నాకు కుటుంబాన్ని ఇచ్చాడు” అని గొప్పగా చెప్తాడు. కార్తీక్ నిశ్శబ్దంగా వింటూ “సరే ఇంకా ప్రభాకర్ ని అడిగి కంపెనీ పరిస్థితి ఏంటో తెలుసుకోండి. నేను వెళ్తాను” అని చెప్తాడు. శ్రీధర్ మాట్లాడుతూ “ఇందాక మనం అందరం కలిసి ఉంటాము అని చెప్పావు కదా. కాంచన నన్ను క్షమిస్తుందా? మళ్లీ నేను మీతో కలిసి ఉండే రోజు వస్తుందా?ఈరోజు నేను కాంచనతో భోజనం చేశాను.” అని అడుగుతాడు. కార్తీక్ “అది కాలమే చెప్పాలి. ఇందాక తాత నిన్ను కార్తీక్ తండ్రివి అన్నాడు కదా అమ్మ కూడా అలానే అనుకుంటుంది” అని చెప్పి వెళ్తాడు. శ్రీధర్ మాత్రం మనసులో “ఎప్పుడో ఒకరోజు కాంచన నన్ను నిజంగా క్షమిస్తుంది అనే ఆశ నాకు ఉంది” అని అనుకుంటాడు.
ఇక మరోవైపు ఇంట్లో శివన్నారాయణ పారు తీసుకొచ్చిన కత్తి గురించి మాట్లాడుతుంటాడు. “దీన్ని ఎందుకు తెచ్చావు?” అని అడుగుతాడు. పారు తడబడుతూ “ఫ్రూట్స్ కట్ చేసుకోవడానికి తెచ్చాను” అని చెబుతుంది. కార్తీక్ ప్రశ్నిస్తాడు — “ఫ్రూట్స్ ఎక్కడ?” పారు “మర్చిపోయాను” అని చెప్పడంతో కార్తీక్ వ్యంగ్యంగా “బాగా కవర్ చేస్తున్నావు పారు” అని అంటాడు.
అప్పుడే లగేజ్‌ బ్యాగ్‌తో జ్యోత్స్న వస్తుంది. ఆమె కత్తిని లాక్కొని “ఇక్కడ జీవితాలు తలకిందులవుతుంటే మీరు దేని గురించి గొడవ పడుతున్నారా?” అని మండిపడుతుంది. అందరూ ఆమె వైపు ఆశ్చర్యంగా చూస్తారు. పారు “ఆ బ్యాగ్ ఏంటి? ఎక్కడికి వెళ్తున్నావు?” అని అడుగుతుంది. జ్యోత్స్న టేబుల్‌పై ఉన్న ఫ్లవర్ వాజ్ ని విసిరి కొట్టి “ఇంట్లోంచి వెళ్ళిపోతున్నాను” అని చెబుతుంది.
అందరూ షాక్ అవుతారు. జ్యోత్స్న తన కోపాన్ని బయటపెడుతూ “ఈ ఇంట్లో నాకు ఎవ్వరూ లేరు. నా ఫ్రెండ్స్ కెనడాలో ఉన్నారు, నేను అక్కడికే వెళ్తాను” అని చెప్తుంది. దశరథ అడుగుతాడు “మేమెవరం మరి?” అని. జ్యోత్స్న వెంటనే నిలదీస్తుంది “ఆఫీసులో దీపకు ఓటేసావా? నాకు ఓటేసావా?” అని.
దశరథ ప్రశాంతంగా “ఆఫీసు విషయాలు, వ్యక్తిగత విషయాలు కలపకూడదని నాన్న చాలాసార్లు చెప్పారు” అని చెబుతాడు. దానికి జ్యోత్స్న “కుటుంబ సభ్యులే బిజినెస్ లో ఉంటే అలానే అక్కడివి ఇక్కడికి వస్తాయి” అని అంటూ “ఒకప్పుడు నాకేదైనా కావాలంటే అడగడానికి ఈ ఇంట్లో నలుగురు ఉండేవారు. ఇప్పుడు నాకు డిడ్ కావాలి అని చెప్తున్నా కూడా ఇవ్వడానికి నాకు ఎవరూ లేరు. ఒక పనిమనిషికి ఉన్న విలువ కూడా నాకు ఈ ఇంట్లో లేదు” అని చెప్తుంది.
అది నాటకమా లేక నిజంగానే వెళ్తుందా అని పారు తనలో తాను అనుకుంటుంది. ఇంతలో శ్రీధర్ అక్కడికి వస్తాడు. జ్యోత్స్న వ్యంగ్యంగా “రండి కొత్త సీఈఓగారూ, స్వాగతం. మీ కోసం ఇక్కడ అంతా రెడ్ కార్పెట్ వేసి రెడీగా ఉన్నారు” అని చెబుతుంది. కార్తీక్ మధ్యలో మాట్లాడుతూ “నా తండ్రిని విమర్శించి మాట్లాడాల్సిన అవసరం లేదు” అని అంటాడు. దానికి జ్యోత్స్న “ఇది విమర్శ కాదు బావ ప్రశంస” అని చెప్తుంది. శ్రీధర్ ప్రశాంతంగా “నేను ఇక్కడ ప్రశంసల కోసం రాలేదు, మీ ప్రేమ కోసం మాత్రమే వచ్చాను” అని చెబుతాడు.
ఇంతటితో ఆ రోజు ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
