కార్తీక దీపం November 19th, 2025 బుధవారం ఎపిసోడ్: కావేరిని హోమానికి రమ్మని బ్రతిమిలాడిన పారిజాతం …!!! కీడు శంకిస్తున్న కాంచన …!!!
ఎపిసోడ్ ప్రారంభంలో పారిజాతం ఎంత బ్రతిమిలాడినా శ్రీధర్ “నేను మీ ఇంట్లో హోమానికి రాను” అని స్పష్టంగా చెప్పేస్తాడు. ఆ మాట విన్న పారిజాతం, జ్యోత్స్న ఇద్దరూ ఆయనను ఒప్పించడానికి చాలా ప్రయత్నిస్తారు. చివరకు శ్రీధర్ రావడానికి అంగీకరిస్తాడు కానీ “మా ఆవిడ కూడా వస్తేనే నేను వస్తాను” అని షరతు పెడతాడు.
పారిజాతం వెంటనే కావేరిని కూడా ఆ ఫంక్షన్‌కి రమ్మని అడుగుతుంది. కానీ కావేరి పారిజాతం అన్న మాటలు అన్ని గుర్తు చేస్తూ “నేను మీ ఇంటికి రాలేను” అని అంటుంది. అప్పుడు పారిజాతం సర్దిచెప్పుతూ, “ఆ రోజు కోపంలో ఏదో చెప్పాను. అవి అన్ని మనసులో పెట్టుకోకు. నన్ను క్షమించు. మనం ఏమైనా పరాయివాళ్ళమా? మా అల్లుడి భార్యవంటే, నువ్వు నాకు కూతురులాంటి దానివి” అని ప్రేమగా మాట్లాడుతుంది.
తరువాత మళ్లీ “నీ గురించి కాకపోయినా శివన్నారాయణగారి కోసమైనా రా కావేరి. అందరి సమక్షంలో హోమం జరగాలని ఆయన కోరిక” అని చేతులు పట్టుకుని బ్రతిమిలాడుతుంది. వెంటనే కార్తీక్ పారు వైపు చూసి కాను సైగలతోనే పారు ఇంటి దగ్గర నేను ఎవరి చేతులు గడ్డలు పట్టుకుని బ్రతిమిలాడాను అని డబ్బాలు కొట్టిన విషయం గుర్తుచేస్తాడు. అది గుర్తు వచ్చి పారు తల వంచుకుంటుంది.
అంతలో కావేరి మాట్లాడుతూ “మీకు అంతగా బతిమాలాల్సిన అవసరం లేదు. ఒక ఫోన్ చేస్తే వచ్చేవాళ్లం. కానీ మీరు నా భర్తను అవమానించారు అందుకే రావడానికి ఇంత సంకోచించాము” అని అంటుంది. అప్పుడు పారిజాతం “సారీ చెప్పాను కదా. అవి అన్ని మర్చిపోయి ఒక మాట చెప్పు వస్తాను అని” అని నచ్చజెప్పుతుంది. చివరకు కావేరి రావడానికి ఒప్పుకుంటుంది. పారిజాతం సంతోషంతో స్వప్న, కాశి లతో మీరు కూడా రావాలి దాసుని కూడా తీసుకు రండి అని చెప్పి బయల్దేరుతుంది.
కార్తీక్ కూడా వెళ్లే ముందు అందరిని మా ఇంటికి రండి అందరం అక్కడ నుండి వెళదాము అని చెప్తాడు. అంతా సరే అంటారు. అదే సమయంలో స్వప్న, కాశి కొంచం గొడవ పడుతున్నట్టుగా అర్ధం అయ్యి కార్తీక్ మనసులో “వీళ్ళకి ఎదో అయింది” అనుకుంటాడు.
ఇంటికి వెళ్లాక కార్తీక్ జ్యోత్స్నను బయటనే ఆపి “నువ్వేదో కొత్తగా ఆట మొదలుపెడుతున్నావు కదా అది ఆపేసేయ్. ఎప్పుడు ఏది ప్రశాంతంగా ఉందనుకుంటే నువ్వు వచ్చి ఆ ప్రశాంతతను పాడు చేస్తావు. అత్తామామల గొడవే దానికి పెద్ద ఉదాహరణ” అని చెప్తాడు. జ్యోత్స్న “ఎం మాట్లాడుతున్నావు బావ” అని కోపంగా అడుగుతుంది. కార్తీక్ జ్యోత్స్న, పారు మాట్లాడుకోవడం విన్నాను అని చెప్తాడు.
జ్యోత్స్న వెంటనే “చాలా మాట్లాడుతున్నావు బావ. నేను పాయింట్ ఔట్ చేయడం మొదలుపెడితే, నువ్వు మాట్లాడేందుకు పాయింట్ ఉండదు” అని అంటుంది. కార్తీక్ ఆమెకు హోమం గురించి గుర్తు చేస్తూ, “రేపటి హోమం మన కుటుంబానికి చాలా ముఖ్యం. నువ్వు ఏదో చేసి చెడగొట్టాలని చూస్తున్నావు. నువ్వు చెడు చేయాలనుకున్నా అవతలివాళ్లకు మంచే జరుగుతుంది. ఒకసారి మంచి చేయాలని ప్రయత్నించు చూద్దాం ఏం జరుగుతుందో” అని అంటాడు.
జ్యోత్స్న కొంచం అసూయతో “మా తాత, నాన్న, అమ్మ నిన్ను గుడ్డిగా నమ్మేశారు అందుకే నువ్వు అనుకున్నది జరుగుతుంది” అని అంటుంది. కార్తీక్ జ్యోత్స్నతో “టాపిక్‌ను తెలివిగా డైవర్ట్ చేయొద్దు. నువ్వు ఏదో ప్లాన్ చేస్తున్నావు అది ఆపు. అయినా గురువుగారు ఇంటి వారసురాలికి మంచి జరుగుతుందని చెప్పారు. అంటే నీకే కదా. అయినా నువ్వు ఇది పాడు చేయాలి అనుకుంటున్నావు అంటే నువ్వు ఈ ఇంటి వారసురాలివి కాదా” అని అడుగుతాడు.
కార్తీక్ ఇలా అనడంతో జ్యోత్స్న ఒక్కసారిగా షాక్ అవుతుంది. కార్తీక్ వెంటనే “అంటే నువ్వు దశరధ, సుమిత్రల కూతురివి కాదా” అని అడుగుతాడు. జ్యోత్స్న అరిచినట్టు మాట్లాడటంతో కార్తీక్, “నేను అలా అనడం లేదు. నువ్వే అలా ప్రవర్తిస్తున్నావు” అని చెప్తాడు. జ్యోత్స్న మాత్రం, “నేను శివన్నారాయణ గారి మనవరాలు” అని చెబుతుంది.
ఈ మాటలన్నీ దొంగచాటుగా వింటోన్న పారిజాతాన్ని శివన్నారాయణ గమనిస్తాడు. ఆమె షాక్ అవుతుంది. శివన్నారాయణ కార్తీక్‌ను పిలుస్తాడు. కార్తీక్ అటు వెళ్లడంతో జ్యోత్స్న మనసులో “బావ అన్ని తెలిసినట్టే అడుగుతున్నాడు. నేను జాగ్రత్తగా ఉండాలి” అని అనుకుంటుంది.
శివన్నారాయణ కార్తీక్‌తో “నువ్వు, జ్యోత్స్న ఏం మాట్లాడుకుంటున్నారో అని ఇదిగో పారిజాతం ఇక్కడ దాక్కుని వింటోంది. మీరిద్దరూ తనని పక్కనే పెట్టుకుని మాట్లాడుకుంటే బాగుండేది” అని అంటాడు. పారు సర్ది చెప్పబోతుండగా శివన్నారాయణ పారుని “శ్రీధర్ ఫ్యామిలీని ఫంక్షన్‌కు పిలిచావా?” అని అడుగుతాడు . పారిజాతం “లేదంటే నేను ఇంటికి రాలేను కదా. రేపు వాళ్లంతా వస్తున్నారు” అని చెప్పిన వెంటనే శివన్నారాయణ ఆమెను లోపలికి పంపిస్తాడు.
అప్పుడు కార్తీక్ జ్యోత్స్నని చూస్తూ శివన్నారాయణతో “ఈ హోమం రేపు ఎలాంటి అడ్డంకులు లేకుండా జరుగుతుంది తాత. ఇంక నేను ఇంటికి వెళ్తాను” అని చెప్పడంతో శివన్నారాయణ హోమం గురించి కాంచనకు చెప్పమని చెప్తాడు.
జ్యోత్స్న గదిలో పారుతో “ఏం చేసి అయినా రేపు ఈ హోమం జరుగనివ్వను” అని అంటుంది. పారిజాతం కూడా శ్రీధర్ ఇంట్లో జరిగిన అవమానాన్ని గుర్తు చేసుకుంటూ మండిపడుతుంది. వెంటనే జ్యోత్స్న “తాత కావేరిని అంత అసహ్యంగా చూసేవాడు. ఈరోజు ఆమెను కుటుంబ సభ్యురాలిగా అంగీకరించాడంటే, ఆమె స్థాయి పెరిగిందా? లేక మనమే తగ్గిపోయామా?” అని కోపంతో అంటుంది. పారిజాతం, “ఇదంతా కార్తీక్ వెనకుండే ఆడిస్తున్నాడు” అని చెబుతుంది.
జ్యోత్స్న గురువు గారి మాటలు గుర్తు చేస్తూ “మనం హోమం చేయాల్సిన పని లేదు. దోషం ఈ ఇంటి సభ్యులకి. మనం ఈ ఇంటి వాళ్ళము కాదు. ఇంటి వారసురాలికి మంచి జరుగుతుందని అన్నాడు. ఇంటి వారసురాలు ” అని చెప్తూ “ఆ వారసురాలు దీప…” అని అనబోయి ఆగిపోతుంది. అది గమనించి పారిజాతం గట్టిగా “ఈ ఇంటి అసలు వారసురాలు ఎవరో నీకు తెలుసు కదా?” అని అడుగుతుంది. జ్యోత్స్న షాక్ అవుతుంది.
పారిజాతం “నిజాం చెప్పు ఇంటి అసలు వారసురాలు ఎవరో నీకు తెలుసు. చెప్పు” అని గద్దిస్తుంది. జ్యోత్స్న మాట మారుస్తూ “దూరం చేసింది నువ్వు నీకు తెలియకుండా నాకు ఎలా తెలుస్తుంది. లేదంటే నీ కొడుక్కి తెలుస్తుంది కానీ నాకు తెలీదు” అని కవర్ చేస్తుంది. పారిజాతం కొంచం అనుమానంగానే నమ్ముతుంది. ఇంక జ్యోత్స్న మాట్లాడుతూ “మన మాట వినాలంటే గురువు గారు చెప్పిన అరిష్టం జరగాలి. ఈ హోమం జరగకూడదు. తాత మనసులో మొదలైన ఈ ఆలోచననీ ఇప్పుడే ఆపాలి. అందరు కలిసిపోతే మనకి ఇంక ఈ ఇంట్లో ఏ విలువ ఉండదు” అని అంటుంది.
ఇక కార్తీక్ ఇంట్లో కాంచన హోమం విషయం విన్న వెంటనే భయపడుతుంది. కాంచన భయంతో ” నా చిన్నపుడు కూడా ఒక గురువు గారు ఇలానే ఇంటికి దోషం అని చెప్పారు. నాన్న పరిష్కారం జరిపించేలోపు అమ్మ చనిపోయింది. కానీ అపుడు నేను చిన్న పిల్లని కాబట్టి ఎం తెలియలేదు. ఇపుడు ఎవరికీ ఎం అవుతుందో అని భయంగా ఉంది” అని అంటుంది.
కార్తీక్ ఆమెకు నచ్చజెప్పుతూ “హోమం జరిపిస్తే ఇంక ఏమి కాదు. అయినా ఇంటి వారసురాలి మంచి జరుగుతుంది అన్నారు కదా” అని అంటాడు. కాంచన వెంటనే, “అది జ్యోత్స్నకు మంచి అంటే జరగాల్సింది పెళ్లి మాత్రమే. దానికి మా అమ్మ పేరు పెట్టారు. కానీ “ఆమె బుద్ధులు చూస్తే మా అమ్మ ఆత్మ కూడా శాంతించదు” అని అంటుంది.
ఇంక కాంచన తన తండ్రి గురించి మాట్లాడుతూ “మా నాన్న మారిపోయారు. కావేరిని కూడా రమ్మన్నారు అంటే చాలా ఆశ్చర్యంగా ఉంది” అని అంటుంది. అంతలో కార్తీక్ “చిన్నమ్మే కాదు స్వప్న, కాశీలను కూడా పిలిచారు. అందరూ కలిసే టైం వచ్చింది. ఇంక అందరు ఒకటే కుటుంబం” అని అంటాడు. కాంచన “హోమం అయ్యేంతవరకు నువ్వూ దీప దగ్గరే ఉండి అన్నీ చూసుకొండి” అని చెప్తుంది. కార్తీక్ మాత్రం ధైర్యంగా “అన్నీ అనుకున్నట్లు జరుగుతాయి. ఎవ్వరిని ఎక్కడికి చేర్చాలో దేవుడు అక్కడికి చేర్చుతాడు” అని అంటాడు.
ఇక రాత్రి శివన్నారాయణ, కాంచన ఇద్దరికీ కలలో కాంచన వాళ్ల అమ్మగారు కనిపిస్తారు. “మీరు మర్చిపోలేదని నాకు తెలుసు. అందుకే నేను మళ్లీ మీ ముందుకి వస్తున్నాను ” అని ఆమె మాటలు వినిపిస్తాయి. ఇద్దరూ ఉలికిపాటుతో నిద్ర లేస్తారు. మరుసటి రోజు ఒకరితో ఒకరు ఈ విషయాన్నీ పంచుకోవాలి అని అనుకుంటారు.
అంతటితో ఈ ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
