కార్తీక దీపం Nov 21st, 2025 శుక్రవారం ఎపిసోడ్: శ్రీధర్, కాంచన ని కలిపే పనిలో శివన్నారాయణ …!!! ఇంటి వారసురాలి స్థానం లో దీప …. !!!!
ఎపిసోడ్ ప్రారంభంలో సుమిత్ర కోపంగా కావేరి పాదాలకు పసుపు రాయమని ఆదేశిస్తుంది. కావేరి సంకోచిస్తుండగా, జ్యోత్స్న ముందుకు వచ్చి ఆమె కాళ్లకు పసుపు రాస్తుంది. తరువాత మిగిలిన వాళ్ళకి దీప తాను రాస్తాను అనడంతో జ్యోత్స్న కోపంగా అక్కడ నుండి వెళ్ళిపోతుంది. కార్తీక్ స్వప్నతో నేను ఉన్న నీకు ఏమైనా ఉంటే నాతో చెప్పు అలా చెప్పకుండా వెళ్లిపోవద్దు అని చెప్తాడు. తరువాత సుమిత్ర కాళ్లకు పసుపు రాస్తూ దీప ఆనందపడుతుంది. అది చూసి కార్తీక్ కూడా సంతోషిస్తాడు.
ఇదే సమయంలో శివన్నారాయణ, కాంచనతో “నేను నీతో ఒకటి మాట్లాడాలి” అని చెప్తాడు. “శ్రీధర్ విషయంలో ముందుగా నీకు నేను ఏమి చెప్పలేదు, కనీసం తర్వాత కూడా ఫోన్ చేసి చెప్పలేదు. కార్తీక్‌ని ఒక్క మాట అడిగాను అంతే” అని చెబుతూ, “అతను తప్పు చేశాడని కొట్టాను. కానీ అతనిలో వచ్చిన మార్పు చూసి మళ్లీ నేనే అతనిని దగ్గరకు తీసుకున్నాను. అవమానించిన నేనే ఇప్పుడు అధికారాలు ఇచ్చాను” అని తన మనసులోని పశ్చాత్తాపాన్ని వెల్లడిస్తాడు.
తన చుట్టూ ఉన్నవాళ్లు అందరూ సంతోషంగా ఉన్నా, కాంచన మాత్రం సంతోషంగా లేదని తనకి తెలుసు అని అందుకే “నీ భర్తను క్షమించలేవా?” అని అడుగుతాడు. ఈ ప్రశ్నతో కాంచన షాక్ అవుతుంది. శివన్నారాయణ, “నేను శ్రీధర్‌ను CEO చేయడానికి ఒక కారణం కార్తీక్ అయితే, రెండో కారణం నువ్వే. నేను చేసిన తప్పులను ఒక్కొక్కటి సరిదిద్దుకుంటూ వస్తున్నా. నువ్వు భర్తకు దూరంగా ఉంటూ పడుతున్న బాధ నాకు అర్థం అవుతుంది” అని చెబుతాడు. కాంచన, “అన్నీ తెలిసే ఈ మాట అడుగుతున్నావా నాన్న?” అని ప్రశ్నించగా, అతను “అవును, నా కోసం నువ్వు నీ భర్తను క్షమించలేవా?” అని అడుగుతాడు.
కొద్దిసేపటి తరువాత కాంచన శాంతంగా, “క్షమిస్తాను. కానీ భర్తగా మాత్రం దగ్గరికి తీసుకోను” అని స్పష్టంగా చెబుతుంది. “నువ్వు జరిగినది మర్చిపోయి అల్లుడిని తేలికగా క్షమించగలిగావు. కానీ అల్లుడు మోసం చేయడం, భర్త మోసం చేయడం ఒక్కటే కాదు. నువ్వు అల్లుడిని మనిషిలా చూశావు. కానీ నేను నా భర్తను దైవంలా చూశాను. నాలో సగం అనుకున్నాను. అందుకే నీలా తేలికగా నేను క్షమించలేను” అని తేల్చేస్తుంది.
అదే సమయంలో, “నన్ను ఇపుడు ఎవరితో కలిసి వచ్చావని అడుగుతావు ఏమో. నేను వచ్చింది కార్తీక్ తండ్రితో” అని చెబుతుంది. ఇంకా ముందుకు వెళ్లి, “నా భర్తను కావేరికి ఇచ్చేశాను. తిరిగిరాని బాల్యం లాంటిదే నా భర్తను ఇచ్చేయడం కూడా. నేను ఎప్పుడు ఆయనను క్షమించి దగ్గరికి తీసుకుంటానో తెలుసా?” అని చెబుతున్న తరుణంలో దాసు అక్కడికి వస్తాడు. కాంచన మాటలు వింటున్న శ్రీధర్, కార్తీక్‌లు షాక్ అవుతారు. శివన్నారాయణ మనస్సులో, “దాసు ఇక్కడికి రావడం రెండు నిమిషాలు ఆలస్యం అయితే కాంచన మనసు పూర్తిగా తెలిసేది” అని అనుకుంటాడు.
మరోవైపు జ్యోత్స్న కోపంగా, “ఎందుకు పనికిరాని కావేరి కాళ్లకు నా చేత్తో పసుపు రాయించారని” రగులుతుంది. పారు మాత్రం, “నువ్వు ఆ పని చేసినందుకే విషయం అక్కడితో ముగిసింది” అని అంటుంది. ఇంకా స్వప్న, దీపలు గెలిచినట్టే ఫీలై పొగరుగా తిరుగుతున్నారని చెబుతుంది. ఫంక్షన్‌కి దాసు రావడంతో జ్యోత్స్న, పారు షాక్ అవుతారు. గురువుగారు రావడంతో అందరూ నమస్కారం చేసి హోమానికి సిద్ధమవుతారు.
ఈ సమయంలో పారు, దాసుని చూసి “ఇంట్లో ఉండకుండా దేశాలు పట్టుకుని ఎందుకు తిరుగుతున్నావు? ఈ ఇంటి వారసురాలిని వెతికే పనిలో ఉన్నావా? నీ కూతురికి ద్రోహం చేస్తున్నావు. ఎక్కడుందో తెలియని దాని కోసం నీ కూతురికి వచ్చిన అదృష్టాన్ని దూరం చేయొద్దు” అని బతిమాలుతుంది. హోమం మొదలయ్యాక, కాశీ–స్వప్నలు కొంచం గొడవ పడినట్లు అనిపించడంతో వీరిద్దరి మధ్య ఏదో జరిగింది అని కార్తీక్ అనుమానిస్తాడు.
హోమం ముగిసిన తరువాత గురువుగారు, “మీ అమ్మాయి చేతుల మీదుగా పూర్ణాహుతి వేయాలి. అది కిందపడితే జరిగే నష్టాన్ని మాటల్లో చెప్పలేను. ఆ విపత్తు ఎవ్వరూ ఎదుర్కోలేరు” అని చెబుతాడు. అందరూ షాక్ అవుతారు. గురువు సూచన ప్రకారం ప్రదక్షిణలు చేయడంతో, కార్తీక్ దీపను చూసి “ఇంటి వారసురాలు హోమంలో పూర్ణాహుతి వేయాలట, విన్నావా?” అని అడుగుతాడు. దీప మాత్రం “అన్నీ విధిరాతే. ఏం జరుగుతుందో చూద్దాం” అని అంటుంది.
దాసు మాత్రం మనసులో, “ఇంటి వారసురాలు దీప. దీప వేయకుండా జ్యోత్స్న చేతుల మీదుగా పూర్ణాహుతి వేయడం ఈ ఇంటికి అరిష్టం” అని బాధపడతాడు. నిజం తెలిసినా ఆపకపోతే ఎలా అని ఆందోళన పడతాడు. దాసు ముందుకు రాగానే, జ్యోత్స్న పారును చూసి “నీ కొడుకుని ఆపు” అని అంటుంది. పారు వెంటనే దాసును బయటికి తీసుకు వెళ్తుంది. బయట దాసు, “గురువు గారు చెప్పారు కదా. ఈ ఇంటి వారసురాలే పూర్ణాహుతి వేయాలి” అని చెబుతాడు. పారు మాత్రం “ఈ ఇంటి వారసురాలు జ్యోత్స్నే” అని అంటుంది. దాసు అంగీకరించకుండా, “కాదు. అరిష్టం జరగకుండా ఆపాలి” అని చెబుతాడు.
పారు భయంతో, “ఎవరు ఎలా పోతే నీకేంటి? నీ కూతురికి ఏం కాదు కదా? నిజమైన వారసురాలు ఇక్కడే ఉంటే వేయించొచ్చు కానీ లేదు కదా, అక్కడ ఉన్నది నీ కూతురే కదా” అని చెప్తుంది. పారు నిరాశతో, “పిల్లల్ని మార్చింది నేనే అని బయట పడితే నన్ను బతకనిస్తారా?” అంటుంది. దాసు మాత్రం, “అలాంటి పరిస్థితి వస్తే వాళ్ల కాళ్లు పట్టుకుని అయినా నేను నిన్ను కాపాడుతాను. కానీ అన్నయ్య కుటుంబానికి అన్యాయం జరిగితే చూస్తూ ఉండలేను” అని అంటూ “నిజం బయటపడే సమయం వచ్చిందేమో. ఈ కథకు ఇక్కడే శుభం కార్డ్ వేస్తాను. జ్యోత్స్న నా కూతురు అని అందరికీ చెబుతాను” అని మనసులో అనుకుంటూ ఆవేశంతో లోపలికి వెళ్తాడు.
అంతలో పూర్ణాహుతి వేయబోతుండగా సుమిత్ర కళ్లు తిరిగి పడబోతోంది. దీప వెంటనే ఆమెను పట్టుకుని నిలబెడుతుంది. పారు దాసును చూసి “ఏదో చెబుతానని వచ్చి ఆగిపోయావేంటి?” అని అడుగుతుండగా, దాసు, “నేను చేయాలని అనుకున్నది దేవుడే చేశాడు” అని అనుకుంటాడు. గురువుగారు పూర్ణాహుతిని జ్యోత్స్న చేతుల్లో పెడుతుండగా, జ్యోత్స్న దాసు వైపు చూసి సందిగ్ధంగా వదిలేస్తుంది. పూర్ణాహుతి పడిపోతూ నేరుగా వెళ్లి దీప చేతులపై పడుతుంది, అక్కడినుంచి హోమగుండలో పడుతుంది. అది చూసి అందరూ షాక్ అవుతారు. దాసు, కార్తీక్ సంతోషిస్తారు.
అంతటితో ఈ ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
