కార్తీక దీపం Nov 22nd, 2025 శనివారం ఎపిసోడ్: అసూయతో దీపని తోసేసిన జ్యోత్స్న …!!! జ్యోత్స్నకి చివాట్లు పెట్టిన కుటుంబ సభ్యులు …!!!
ఎపిసోడ్ ప్రారంభంలో జ్యోత్స్న పూర్ణాహుతిని అందుకుని అనుకోకుండా చేజార్చడంతో దీప అది కిందపడకుండా తన చేతుల మీదుగా హోమగుండంలో పడేలా చేస్తుంది. ఒక్క క్షణం ఏం జరిగిందో ఎవరికీ అర్థం కానట్టు చూస్తుండగా, జ్యోత్స్న మాత్రం గట్టిగా “దీపా!” అంటూ ఆగ్రహంతో అరుస్తుంది. శివన్నారాయణ వెంటనే పరిస్థితిని కూల్ చేస్తూ “హోమం విజయవంతంగా పూర్తి అయింది, పంతులు గారికి దక్షిణ ఇచ్చి పంపండి” అని చెప్తాడు. సుమిత్ర–దశరథలు పంతులు గారికి తాంబూలాలు పంచిపెట్టాక అందరూ బయటకు వెళ్తారు.
అయితే బంధువులు వెళ్ళిన వెంటనే జ్యోత్స్న తన కోపం, అసూయని బయటపెడుతూ “హోమం పూర్తి కాలేదు. గురువుగారు వారసురాలి చేతుల మీదుగా పూర్ణాహుతి హోమంలో పడాలి అన్నారు. కానీ ఇక్కడ ఏం జరిగింది? ఈ ఇంటి పనిమనిషి చేతుల మీదుగా పడింది!” అని మండిపడుతుంది. ఈ మాటలకు అందరూ అలానే చూస్తుండగా, కార్తీక్ “నువ్వు వదిలేసిన పూర్ణాహుతి నేల మీద పడిపోతే అరిష్టమని గురువుగారు చెప్పారు. నా భార్య దాన్ని కింద పడకుండా హోమంలో పడేలా చేసింది. అందులో తప్పేముంది?” అని జ్యోత్స్నను నిలదీస్తాడు. స్వప్న కూడా “జ్యోత్స్న ఆలోచనలు ఎక్కడో ఉంటాయిలే అన్నయ్య” అని అనడంతో పారిజాతం వెంటనే “శివన్నారాయణ మనుమరాలిని అనేంత ధైర్యం వచ్చిందా నీక్కూడా” అని గట్టిగా అంటుంది. వెంటనే కాశి “నా భార్య అడిగినదానిలో తప్పేముంది నాన్నమ్మ” అని అడుగుతాడు.
దానికి పారిజాతం కాశీని తిడుతుంది. అది చూసి కావేరి పారిజాతంతో “కాశీ మీ మనవడే కానీ అతను ఇప్పుడు మా అల్లుడు. మా ముందే అతన్ని అవమానిస్తే ఊరుకోము” అని చెప్తుంది. జ్యోత్స్న తిరిగి మాట్లాడుతుంటే దశరథ తప్పు నువ్వు చేసి ఇంకొకరిని నిందిస్తావా అని జ్యోత్స్నపై ఫైర్ అవుతాడు. కానీ జ్యోత్స్న మాత్రం “అంటే నేను తప్పు చేస్తుంటే కావాలని దీప వచ్చి దాన్ని కరెక్ట్ చేస్తుందా?” అంటూ తిరిగి దీప మీద కోపం చూపిస్తుంది.
శివన్నారాయణ “అసలు పూర్ణాహుతి నువ్వు కింద ఎందుకు పడేసావు. అది నువ్వు కావాలి అని చేసుంటే దీప కూడా కావాలి అని చేసినట్టే” అని అంటాడు. సుమిత్ర వెంటనే “పూర్ణాహుతి నీ చేతికి ఇచ్చినప్పుడు దాన్ని జాగ్రత్తగా పట్టుకోవాల్సిన బాధ్యత నీదే. అది పడేయడం నీ తప్పే” అని అనడంతో జ్యోత్స్న “మన మధ్య ఎప్పుడూ దీపే అడ్డుగోడ కడుతుంది” అంటూ తన అసూయని బయట పెడుతుంది.
జ్యోత్స్న “అయితే దీప చేసింది తప్పు కాదా” అని అడగడంతో వెంటనే గురువు గారు “తప్పు కాదు. అది నేల మీద పడి ఉంటే చాలా అరిష్టం జరిగేది. దీప దాన్ని హోమంలో పడేలా చేసి ఈ కుటుంబాన్ని కాపాడింది. దానికి మీరు ఆమెను మెచ్చుకోవాలి” అని చెప్తారు. ఈ మాటలు విని పారిజాతం అసహనంగా, “కార్తీక్ పెళ్లి చేసుకున్నాడు కాబట్టి దీప ఈ ఇంటికి కోడలు అయింది. లేకపోతే అమ్మానాన్న తెలియని అనాథ” అని అంటుంది. గురువుగారు శాంతంగా, “భగవంతుడు ఎవ్వరినీ అనాథలుగా పుట్టించడు. పిల్లలనుండి పెద్దవారిని దూరం చేసేది స్వార్ధపరులు అయిన మనుషులే” అని చెప్పడంతో జ్యోత్స్న కంగారు పడుతుంది.
ఈ మాటలన్నీ తట్టుకోలేక కోపంతో జ్యోత్స్న దీపను బలంగా తోసేస్తుంది. దీప నేలపై పడటంతో స్పృహ కోల్పోతుంది. ఇల్లంతా షాక్‌లో మునిగిపోతుంది. శివన్నారాయణ జ్యోత్స్న మీద కోపంతో ఏంటిది అని ప్రశ్నించగానే, పారిజాతం పరిస్థితిని సర్ది చెప్పడానికి ప్రయత్నిస్తుంది. ఇంట్లో అందరు జ్యోత్స్నని చీదరించుకుంటారు. కార్తీక్, సుమిత్ర ఆమెను లోపలికి తీసుకెళ్లి పడుకోపెడతారు. అందరు లోపలికి రావడంతో సుమిత్ర నేను చూసుకుంటాను అని అందరిని బయటికి పంపిస్తుంది. జ్యోత్స్నని కోప్పడుతుంది. ఇంకా ఇంట్లో అందరు తిడతారు అని పారిజాతం జ్యోత్స్నని అక్కడ నుండి తీసుకు వెళ్తుంది.
బయటకు వచ్చాక జ్యోత్స్నపై పారిజాతం కోపం చూపిస్తూ “కోపానికి కూడా హద్దు ఉంటుంది. ఎందుకు అంత కోపం? ఈ ఇంటికి మనకి సంబంధం లేదు అన్నావు కదా. మరి పూర్ణాహుతి ఎవరు వేస్తే నీకు ఎందుకు. చూసి చూడకుండా వదిలేయాల్సిన విషయం ఇది కానీ నువ్వు ఇంత పెద్దది చేసావు” అని అరుస్తుంది. జ్యోత్స్న మాత్రం అంగీకరించకుండా, “నాకు పూర్ణాహుతి ఎవరు వేసిన పర్లేదు కానీ దీప మాత్రం వేయకూడదు” అని అంటుంది. అలానే మాట్లాడుతూ పొరపాటుగా “ఎందుకంటే దాని వల్లనే నేను ఈ ఇంటి వారసురాలు కాకుండా ” అంటూ ఆగిపోతుంది.
పారిజాతం కళ్ళు పెద్దవి చేస్తూ “ఏంటి? దీప నువ్వు వారసురాలు కాకుండా ఎలా ఆపుతుంది. నిజమైన వారసురాలు వస్తే నీ గురించి తెలుస్తుంది అనుకోవచ్చు” అని అడగగానే, జ్యోత్స్న వెంటనే “దీప నా శత్రువు దాని వల్ల నా జీవితం నాశనమైంది. అది నీ కొడుకుని బాబాయి అని పిలుస్తుంది. దాని ప్రేమ చూసి నా గురించి నిజం చెప్పేస్తే” అని కవర్ చేస్తుంది.
ఇక లోపల ప్రసాదం పంచుతున్న స్వప్న, కాశీకి ఇవ్వకుండా వెళ్లిపోతుంది. దాన్ని గమనించిన కార్తీక్, “కాశీకి ఎందుకు పెట్టలేదు?” అని అడుగుతాడు. స్వప్న సైలెంట్‌గా “మర్చిపోయాను అన్నయ్య” అని చెప్పి వెళ్లిపోతుంది. కార్తీక్ ఆమె వైపు అనుమానంగా చూస్తూ ఉంటాడు.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
