కార్తీక దీపం నవంబర్ 24, 2025 సోమవారం ఎపిసోడ్: తండ్రి కాబోతున్న కార్తీక్ …!!! సంతోషంలో కుటుంబం …!!! షాక్ అయిన జ్యోత్స్న, పారు …!!!
ఎపిసోడ్ ప్రారంభంలో స్వప్న కాశి మీద కోపంతో చిరాకుగా దూరంగా వెళ్లడం కార్తీక్ గమనిస్తాడు. స్వప్న వెనకే వెళ్లి కాశీ మనం ఇంటికి వెళ్ళాక మాట్లాడుకుందాం ఇక్కడ గొడవ పడొద్దు అని నిదానంగా చెప్తాడు. అప్పుడే కార్తీక్ అక్కడికి వస్తాడు. ఇద్దరి ముఖాల్లో ఎక్కడా నవ్వు కనిపించకపోవడంతో వెంటనే అసలు విషయం ఎంటో అడుగుతాడు. అప్పుడు స్వప్న ఇక దాచుకోలేక, కాశీ తనను మోసం చేశాడని చెబుతుంది. జాబ్ వచ్చిందని చెప్పి ప్రతిరోజూ ఉదయం ఇంటి నుంచి వెళ్లి సాయంత్రం తిరిగి రావడం, చివరకు అది అంతా నటన అని బయటపడిందని ఆమె బాధగా చెబుతుంటే, కార్తీక్ ఒక్కసారిగా షాక్ అవుతాడు. కాశీ మాత్రం తన పక్షాన చెప్పుకుంటూ, జాబ్ కోసం ప్రయత్నాల్లో ఉన్నానని, త్వరలో దొరుకుతుందని ఆశపడి నిజం చెప్పలేకపోయానని ఒప్పుకుంటాడు.
స్వప్న అయితే ఈ విషయం కేవలం అబద్ధమేగాదు తన ప్రేమని మోసం చేయడం అని బాధతో “ఈ మనిషి కోసం నాన్ననే వదిలేసుకున్నాను, కానీ నా దగ్గర చెప్పలేని నిజాన్ని, నేను వదిలేసుకున్న నాన్న దగ్గర చెప్పాడంటే నా ప్రేమకి విలువేమిటి?” అని మాట్లాడుతుంటే, కాశీ కూడా ఏం మాట్లాడలేక దిగులుగా నిలబడిపోతాడు. ప్రేమను, ప్రేమించిన వ్యక్తిని గౌరవించని మనిషితో జీవితం వద్దని స్వప్న చెప్పేసరికి, కార్తీక్, కాశీ షాక్ అవుతారు. అప్పుడు కార్తీక్ మధ్యలోకి వచ్చి, మనిషిని వదిలేయడం ఎంత ఈజీనే కానీ, ఎప్పుడైనా మనం వదిలేసుకున్నవాళ్లనీ మళ్లీ కలవడం అంత తేలిక కాదని చెబుతాడు. ప్రేమలో కొన్నిసార్లు మనవాళ్ల కోసం కొన్ని బాధలు భరించాల్సిందేనని అర్థం అయ్యేలా చెప్తాడు.
కార్తీక్ మాట్లాడుతూ ఇప్పుడు తనకి కూడా జ్యోత్స్న దీపని తోసేయడం వల్ల చాలా కోపంగా ఉంది అని కానీ ఆ కోపాన్ని కుటుంబం కోసం భరిస్తున్న అని చెప్తాడు. కాశీ కార్తీక్ కి థాంక్స్ చెప్తాడు తనని అర్ధం చేసుకున్నందుకు, కార్తీక్ మళ్లీ అలా చేయొద్దు అని కాశీ తో చెప్తూ చివరకు, కాశీ నిజం దాచింది కూడా నిన్ను కోల్పోతాననే భయంతోనే అని చెప్పి, స్వప్న చేతిని కాశీ చేతిలో పెట్టి, “ఇదీ ప్రేమే,” అని అంటాడు. ఈ సన్నివేశం చూసిన దాసు సంతోషంతో చప్పట్లు కొడుతూ, అలాంటి అన్నయ్య ప్రతి ఇంటిలో ఉండాలని అంటాడు. అక్కడ నుండి స్వపన్, కాశీని పంపించేసి కార్తీక్ తో నా కూతురిని ఇంకా ఎందుకు భరిస్తున్నావు అని అడుగుతాడు. కార్తీక్ “అమ్మానాన్నల్ని కలపాలి. ఇంకా నాకు పూర్తి చేయాల్సిన పనులు చాలా ఉన్నాయి, అప్పటి వరకు జ్యోత్స్న గురించి బయట పెట్టలేను” అని మెల్లగా చెబుతాడు.
మరోవైపు కాంచన మాత్రం బయట తులసి కోట దగ్గర కూర్చొని దీప ఆరోగ్యం గురించి భయపడుతూ వుంటుంది. దీన్ని గమనించిన శ్రీధర్ అక్కడికి వచ్చి దీప గురించి బాధ పడుతున్నావా అని అడుగుతూ ఎందుకు అంత భయపడుతున్నావు అని అంటాడు. అవును అని చెప్తూ కాంచన కోడలు అంటే కొడుకులో సగం, కోడలు బాగుంటేనే కొడుకు బాగుంటాడని, ఇది తెలియక చాలా మంది కోడలిని పట్టించుకోరని అంటుంది. ఇంకా చెప్తూ భార్య భర్తలు ఎవరైనా ఇద్దరు కాదు ఒకరే అని అలాంటపుడు వాళ్ళని వేరుగా ఎలా చూస్తాను అని అంటుంది. అది విన్న శ్రీధర్ అయితే మనం కూడా ఇద్దరం కాదుగా ఒక్కరే కదా అని అడుగుతాడు.
కాంచన ఆ మాటలకి ఏం చెప్పాలో తెలియక బాధపడుతుండగా తన చెయ్యి తగిలి నుదిటి మీద బొట్టు చెరిగిపోతుంది. శ్రీధర్ మాత్రం నేను చేతల్లో చెప్తాను అంటూ నుదుటిపై బొట్టు పెట్టి తన బంధాన్ని మళ్లీ గుర్తు చేస్తాడు. అప్పుడే అక్కడికి వచ్చి అది చూసిన కావేరి సంతోషపడుతుంటే, శ్రీధర్ సంజాయిషీ ఇస్తుంటాడు. కావేరి మాత్రం అది నాకు ఎందుకు చెప్తున్నారు మీకు అక్కకి బొట్టు పెట్టే హక్కు ఉంది అని వాళ్ల గురించి మంచిగా మాట్లాడుతుంది. అప్పుడే అక్కడికి వచ్చిన పారు శ్రీధర్ ఇంకా అతని రెండు పెళ్లిళ్ల గురించి మాట్లాడుతూ వెటకారం చేస్తుంది. దానికి కావేరి పారుకి గట్టిగ కౌంటర్ ఇస్తుంది. పారు షాక్ అవుతుంది. కావేరి కాంచనతో ఇంటికి వెళ్తున్న అని చెప్పి బయల్దేరుతుంది.
ఇంతలో ఇంట్లో దీప స్పృహలోకి రావడం అందరిలోనూ ఉపశమనం తెస్తుంది. సుమిత్ర, కార్తీక్ సంతోషపడుతుండగానే, దీపకు ఒక్కసారిగా వాంతులు కావడంతో అందరూ టెన్షన్ పడతారు. శివన్నారాయణ డాక్టర్ ని పిలిపిస్తాడు. గురువుగారు టెన్షన్ పడొద్దు అని చెప్తూ మంచి జరగబోతుంది అని చెప్తూ జరిగే మంచి కూడా మీకు స్వప్నంలో ముందే తెలిసేలా వుంటుంది అని చెప్తారు. అప్పుడే శివన్నారాయణ, కాంచన ఇద్దరు వాళ్లకి కలలో కనింపించిన దాని గురించి చెప్పుకుంటారు. అది విని గురువుగారు మీ అమ్మగారు మళ్లీ వస్తున్నారు అని చెప్పడంతో ఏ రూపంలో వస్తారు అని అడుగుతారు అందరు.
సరిగ్గా అదే సమయంలో డాక్టర్ పరీక్షలు చేసి సుమిత్ర, దీపలతో కలిసి బయటికి వస్తారు. డాక్టర్ కార్తీక్ తో “మీ మీద పెద్ద బాధ్యత పడింది,” అని చెప్పడంతో అందరు కొంచం టెన్షన్ గా చూస్తుంటారు. వెంటనే డాక్టర్, “కార్తీక్ తండ్రి కాబోతున్నాడు… దీప ప్రెగ్నెంట్,” అని చెప్పగానే కుటుంబమంతా ఆనందంతో ఉప్పొంగిపోతారు. జ్యోత్స్న, పారు మాత్రం మాట రాక షాక్‌లో నిలబడి పోతారు.
అక్కడితో ఈరోజు ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
