కార్తీక దీపం నవంబర్ 26, 2025 బుధవారం ఎపిసోడ్: దీపని బాధ పెట్టిన జ్యోత్స్న …!!! జ్యోత్స్నని లాగిపెట్టి కొట్టి అమ్మతనం గురించి గొప్పగా చెప్పిన సుమిత్ర …!!!
ఎపిసోడ్ ప్రారంభంలో దీప గర్భవతి అని తెలిసినప్పటి నుండి జ్యోత్స్న కోపంతో రగిలిపోతుంది. రాత్రి సమయంలో జ్యోత్స్న బయటికి వచ్చి దాసుతో మాట్లాడుతుంది. దాసు “దీప గొప్పింట్లో పురుడు పోసుకున్న పేద ఇంట్లో పెరిగింది కానీ దీప బిడ్డ పేదింట్లో పురుడు పోసుకున్న కూడా భూమ్మీదకి వచ్చాక ఈ ఇంట్లోనే అడుగు పెడుతుంది. దీనిని ఎవరూ ఆపలేరు,” అని గట్టిగా చెబుతాడు. అలానే “రాతను ఎవరు మార్చలేరు, ఇంకా నుండి దీపకే కాదు ఆమె కడుపులో పెరుగుతున్న బిడ్డకు అన్యాయం చేయాలనుకున్నా నేను నీ ముందుకి వస్తాను. నేను రావాలి అని కోరుకోకు” అని హెచ్చరిస్తాడు. “నువ్వు అన్నింటికీ సిద్ధంగా ఉన్నాను అని అన్నవుగా. నువ్వు నా కూతురివని తెలిసే రోజు దగ్గరలోనే ఉంది,” అని చెప్పి వెళ్ళిపోతాడు. అతని మాటలు వింటున్నంతసేపు నిజం బయటపడుతుందనే భయంతో జ్యోత్స్నకి ముచ్చెమటలు పడతాయి.
ఇక మరోవైపు కార్తీక్ డాక్టర్ తో ఫోన్లో మాట్లాడుతూ ఉంటాడు. దీప ప్రెగ్నన్సీ గురించి డాక్టర్ చెప్పిన సూచనలు సలహాలు అన్ని దీపతో చెప్తూ “ప్రతి నెలా టెస్టులు చేయించాలి. ప్రోటీన్ ఫుడ్ తినాలి. రోజు ఒక గంట సేపు ఎండలో నడవాలి. కనీసం ఎనిమిది గంటలు అయినా నిద్రపోవాలి,” అని జాగ్రత్తలు చెప్తాడు. దీప ఆశ్చర్యంగా, “ఇవి అన్నీ నీకు ఎలా తెలుసు?” అని అడిగితే, కార్తీక్ చిరునవ్వుతో ఇప్పుడు వరకు ఫోన్లో డాక్టర్ తో మాట్లాడింది అదే అని చెప్తాడు. దీప “చెప్పిన జాగ్రత్తల గురించి మాట్లాడుతూ అవి అన్ని చేయాలా రోజులా ఉంటే సరిపోదా” అని అడుగుతుంది. నీకు సరిపోతుంది కానీ మనకి పుట్టబోయే పాపకి సరిపోదు అని కార్తీక్ అంటాడు. దీప పాప పుడుతుంది అని నీకు ఎలా తెలుసు అని అడుగుతుంది.
నీకు డాక్టర్ పరీక్షలు చేస్తున్నపుడు తాతయ్య, అమ్మ వాళ్ళ కల గురించి చెప్పారు అమ్మమ్మ మళ్లీ మన ముందుకి వస్తుంది అంట అని చెప్తాడు కార్తీక్. “అందుకే పాపే పుడుతుంది,” అని చెబుతాడు. దీప మాట్లాడుతూ “నాకు తెలియకుండానే నా కళ్లల్లో నీళ్లు తిరుగుతున్నాయి. ఈ తొమ్మిది నెలలు త్వరగా గడిచిపోవాలి అని అంటుంది. అప్పుడు కార్తీక్ ప్రేమగా “లేదు దీప. ఈ 9 నెలలు నేను తండ్రిగా మళ్లీ పుట్టినట్టే ప్రతిదీ నాకు ఒక కొత్త అనుభవం. నేను ప్రతి క్షణం ఆస్వాదించాలి అనుకుంటున్నా. సౌర్య నన్ను నాన్న అని పిలుస్తున్నా కూడా ఇప్పుడు మరో ప్రాణం నాన్న అని పిలవడానికి వస్తుంది. నేను నిన్ను భార్యలా కాదు చంటి బిడ్డలా చూసుకుంటాను,” అని ప్రేమతో అంటాడు.
కార్తీక్ స్వీట్ తినిపించి, “కొత్త ప్రయాణం మొదలైంది. మన బిడ్డ పుట్టేలోపు ఒక్క సమస్య కూడా ఉండకూడదు,” అని చెబుతాడు. రేపటి నుంచి దీపని తాత ఇంటికి రావొద్దని అంటాడు. కానీ అక్కడ అమ్మ నాన్న ని చూడొచ్చు అని అనడంతో సరే కానీ ఎవరు ఇబ్బంది పెట్టినా వెంటనే అక్కడి నుంచి వచ్చేయాలి అని అంటాడు — ముఖ్యంగా పారు, జ్యోత్స్న పేర్లను ప్రస్తావిస్తూ.
ఇదిలా ఉండగా, కిందపడిపోబోతున్న స్వప్నను కాశీ పట్టుకుంటాడు. కానీ ఆమె దూరంగా వెళ్ళిపోతుంది. కాశీ మాట్లాడమని అడగడంతో “జాబ్ వచ్చే వరకు నీతో మాట్లాడను. జాబ్ తెచ్చుకుని చూపించు” అని అంటుంది స్వప్న. కాశీ మీ అన్నయ్య చెప్పాడు కదా అని గుర్తు చేస్తాడు. దానికి స్వప్న “మా అన్నయ్య అంటే నాకు చాలా గౌరవం. అలా అని నీకు జాబ్ వచ్చేవరకు ముందులా ఉండలేను. మా అన్నయ్యని చూసి నేర్చుకో. మా అన్నయ్య ఏదయినా అనుకుంటే చేసేస్తాడు. నీలాగా కాదు. అయినా మా అన్నయ్య నీలాగా భార్యని మోసం చేయలేదు” అని అంటుంది. పదే పదే కార్తీక్ తో పోల్చడం తట్టుకోలేక కాశీ కోపంగా “మీ అన్నయ్య ఏమి ఇంజనీర్ కాదు. కేవలం ఒక కార్ డ్రైవర్” అని గట్టిగా అంటాడు.
అది వినగానే లోపల నుండి కావేరి, శ్రీధర్ కూడా బయటికి వస్తారు. శ్రీధర్ రావడంతోనే కాశీ మీద కోప్పడుతూ “నన్ను ఎం అన్న పడతాను కానీ నా కొడుకుని ఏమైనా అంటే తట్టుకోలేను,” అని ఘాటుగా చెబుతాడు. “50 వేల జీతం కోసం 10 కంపెనీలు తిరిగే నువ్వెక్కడ, పెట్టిన సంతకం కోసం కట్టుబడి CEO పదవిని వదిలేసిన నా కొడుకు ఎక్కడ? వాడు డ్రైవరే కానీ వాడు రాజ్యాన్ని వదిలేసినా రాజు. అది వదిలేసింది కూడా వాడి కోసం కాదు మన కోసం బ్రతుకుతున్నాడు వాడు. మన నవ్వుల్లో వాడి అంనందాన్ని వెతుక్కుంటున్నాడు నా కొడుకు” అని గర్వంగా చెబుతాడు. “జీవితాన్నే త్యాగం చేయాలంటే వాడు నా కొడుకు అయి ఉండాలి,” అంటూ కాశీకి చివరి హెచ్చరికగా — “నీకు ఇచ్చిన అవకాశాలు అయిపోయాయి. నేను మీ విషయంలో ఒక నిర్ణయానికి వచ్చాను. అదేంటో రాత్రికి చెబుతాను” అని వెళ్ళిపోతాడు.
ఇక శివన్నారాయణ గురువుగారి చెప్పిన “ప్రమాదం” గురించి తీవ్రంగా ఆలోచిస్తూ ఉంటాడు. అప్పుడే దీప కార్తీక్ అక్కడికి వస్తారు. వాళ్ళని చూడగానే “దీప ఇప్పుడు వొట్టి మనిషి కాదు గర్భవతి. ఆమె జాగ్రత్త మనదే, ఆమె కడుపులోని బిడ్డ జాగ్రత్త కూడా మనదే,” అని అంటూ దీపతో “నువ్వు చాలా జాగ్రత్తగా ఉండాలి అమ్మ. మెట్లు ఎక్కడం దిగడం లాంటి పనులు చేయొద్దు” అని జాగ్రత్తలు చెప్తుంటాడు దశరథ. అది వినగానే జ్యోత్స్న నవ్వుతు వ్యంగ్యంగా, “దీప ఇప్పుడే గర్భవతి కాలేదు ఆమెకు 7 ఏళ్ళ కూతురు ఉంది. ఇవి అన్ని దీపకి తెలియనట్టు చెప్తుంటే నవ్వొస్తుంది. ఓహో బావతో బిడ్డను కనడం ఇప్పుడే కదా మొదటిసారి అందుకే చెప్తున్నారు” అని అవమానకరంగా మాట్లాడటంతో అందరు షాక్ అవుతారు. దీప బాధపడుతూ కళ్ళల్లో నీళ్లు తిరుగుతాయి. సుమిత్ర కోపంతో రగిలిపోతూ జ్యోత్స్నను లాగిపెట్టి చెంప మీద కొడుతుంది.
జ్యోత్స్నని కొట్టి “నువ్వు అవమానిస్తున్నది మాతృత్వాన్ని. దీప సౌర్యాని ఎలా కన్నదో నేను కూడా నిన్ను అలానే కన్నాను” అని గట్టిగా అరుస్తుంది. “తల్లి అవుతున్నాము అని తెలిసినపుడు నుండి ఆ బిడ్డ రూపాన్ని మనసులో ఊహించుకుంటాం… కడుపులో కదులుతుంటే మురిసిపోతాం… అది కళ్లతో చూడటానికి ప్రాణాల్ని పణంగా పెడతాం… బిడ్డ ఏడుపు వినిపించే వరకు మా జీవితం గురించి కూడా ఆలోచించము… ఇది తల్లికి దొరికే కన్నీళ్లు పెట్టించే ఆనందం,” అని చెబుతుంది. “వెలుగునిచ్చే సూర్యుడి కూడా ఒక్కో దేశంలో తన సమయాన్ని మార్చుకుంటూ ఉంటాడు కానీ ఏ తల్లి కూడా 9 నెలలు బిడ్డని మోయకుండా కనలేదు. అందుకే ఆ సూర్యుడి కంటే కూడా జన్మనిచ్చే తల్లి గొప్పది,” అని చెప్పి, దీప పర్సనల్ లైఫ్ గురించి మాట్లాడే హక్కు నీకు లేదని మందలిస్తుంది. జ్యోత్స్న అవమానంతో లోపలికి వెళ్తుంది. దశరథ కార్తీక్ ని క్షమించమని అడిగి ఈ విషయం కాంచనకి చెప్పొద్దూ అని ప్రాధేయపడతాడు.
అది అయ్యాక కార్తీక్ ని శివన్నారాయణ పక్కకు తీసుకెళ్లి, “నాలో ఒక భయం ఉందిరా… ఎవరికీ చెప్పలేను,” అని అంటాడు. కార్తీక్ ఏంటని ప్రశ్నించడంతో, గురువుగారు హెచ్చరించిన ప్రమాదం గురించి చెబుతాడు — ఇంట్లో ఎవరికి ఏం జరుగుతుందో తెలియడం లేదు. “నాకు నా గురించి భయం లేదు… కానీ కుటుంబాన్ని ఏమైనా అయితే తట్టుకునే వయస్సులో లేను. నాకు ఉన్న ధైర్యం నువ్వేరా” అని అనడంతో కార్తీక్ ఆలోచనలో పడతాడు.
అంతటితో ఈ ఎపిసోడ్ ముగుస్తుంది.
Source inspiration: Original story from “కార్తీక దీపం” (JioHotstar). This is a personal written recap and interpretation.
